પાટણની મેડિકલ કૉલેજમાં કથિત રૅગિંગની ઘટનામાં વિદ્યાર્થીનો જીવ ગયો

ગુજરાતમાં પાટણ જિલ્લાના ધારપુર ખાતે આવેલી મેડિકલ કૉલેજમાં એમબીબીએસના પ્રથમ વર્ષમાં અભ્યાસ કરતાં વિદ્યાર્થીઓનું સિનિયર વિદ્યાર્થીઓ દ્વારા કથિત રેગિંગ થયું હોવાની ઘટના સામે આવી છે.

આ કથિત રેગિંગમાં ઇન્ટ્રોડક્શનના નામે જબરજસ્તીથી સતત સાડા ત્રણ કલાક સુધી ઊભા રાખતા એમબીબીએસના પ્રથમ વર્ષમાં અભ્યાસ કરનાર 18 વર્ષના અનિલ મેથાણિયા નામના વિદ્યાર્થીને ચક્કર આવતા તે પડી ગયા હતા જેમનું સારવાર દરમિયાન મોત થયું હતું.

રેગિંગની આ ઘટનાએ રાજ્યભરમાં ભારે ચર્ચા જગાવી છે. આ અંગે પ્રથમ વર્ષના વિદ્યાર્થીઓએ ડીનને લેખિતમાં ફરિયાદ પણ કરી છે અને ઍન્ટિ-રેગિંગ કમિટીએ એ વાતની પુષ્ટિ કરી છે કે વિદ્યાર્થીઓનું રેગિંગ કરવામાં આવતું હતું.

પાટણની કૉલેજમાં આ વિદ્યાર્થી સાથે શું બન્યું હતું? તેમના પરિવારનું શું કહેવું છે અને કૉલેજનું આ મામલે શું નિવેદન આવ્યું?

(બીબીસી માટે કલેક્ટિવ ન્યૂઝરૂમનું પ્રકાશન)

તમે બીબીસી ગુજરાતીને સોશિયલ મીડિયામાં Facebook , Instagram , YouTube, TwitterઅનેWhatsAppપર ફૉલો કરી શકો છો.