Patrick Vieira: Nice yamwirukanye nyuma y'imyaka ibiri n'igice ayitoza
Ahavuye isanamu, Reuters
Ikipe ya Nice yirukanye uwahoze ari umukinnyi wo hagati w'ikipe y'igihugu y'Ubufaransa na Arsenal, nyuma y'imyaka ibiri n'igice ayitoza.
Iyi kipe yo muri shampiyona y'icyiciro cya mbere mu Bufaransa izwi nka Ligue 1, yatsinzwe imikino itanu yikurikiranya, harimo n'uwo ku wa kane yatsinzwe na Bayer Leverkusen ibitego 3-2, igahita isezererwa mu irushanwa rya Europa League.
Ubu iri ku mwanya wa 11 muri shampiyona.
Vieira, wanakiniye Manchester City, Inter Milan na Juventus, yari umutoza wa New York City FC mbere yo kwerekeza muri Nice.
Adrian Ursea, wari umutoza wungirije Vieira, ni we wagizwe umutoza mukuru wa Nice.
