Rayon Sports yo mu Rwanda yatsindiye kuzakina imikino ya ¼ cy'igikombe cya CAF

Inyandiko gusa
Abafana ba Rayon Sports

Ikipe ya Rayon Sports yo mu Rwanda yatsindiye kuzakina imikino ya ¼ cy'igikombe cya CAF bwa mbere mu mateka y'umupira w'amaguru mu Rwanda ikipe itsindira gukina muri urwo rwego.

Rayon Sports yatsinze ikipe ya Yanga yo muri Tanzania igitego 1-0, igitego cyabonetse mu gice cya mbere gitsinzwe na Bimenyimana Bonfils Caleb.

Nyuma y'iyo ntsinzi abantu ibihumbi n'ibihumbi bigabije amabarabara yo mu mujyi wa Kigali babyina kandi barata ibigwi by'iyo kipe ifite abakunzi benshi mu Rwanda.

Mu wundi mukino wo muri iryo tsinda rya kane ikipe ya USM Alger yatsinze Gor Mahia yo muri Kenya ibitego 2-1, bityo irangiza ari iya mbere n'amanota 10 mu gihe Rayon Sports yarangije ari iya kabiri n'amanota 9.

Insiguro y'amajwi, Ikiganiro na Juma Para wakiniye Rayon Sports na Etincelles mu myaka ya za 80.

Tombora y'uko amakipe azahura mu mikino ya 1/4 izaba ku itariki 3 z'ukwezi gutaha kwa cyenda.

Rayon Sports yabaye iya kabiri mu itsinda rya 4 ikazatombora imwe mu makipe 3 yabaye aya mbere muyandi matsinda ariyo Raja Cassablanca yo muri Maroc, RS Berkane yo mu Misiri cyangwase Enyimba yo muri Nigeria.