Ubwongereza bwatsinze vy'agashinyaguro Panama 6-1

Inyandiko gusa
Harry Kane (ibumoso) yinjirije Ubwongereza ibitsindo bitatu mu rukino bahuramwo na Panama
Insiguro y'isanamu, Harry Kane (ibumoso) yinjirije Ubwongereza ibitsindo bitatu mu rukino bahuramwo na Panama

Ubwongereza bwashitse ku bitsindo ata wundi mugwi wari bwashikeko muri kino gikombe c'isi mu gutsinda vy'agashinyaguro umugwi wa Panama 6-1, Harry Kane akaba yinjijemwo bitatu.

Uwo mugwi uciye uronka itike yo kuja mu gice c'umunani ukwo vyogenda kwose mu muce urimwo.

Mu gice ca mbere uwo mugwi winjije ibitsindo bitanu, John Stones akaba ariwe yuguruye ibitsindo.

Kane yinjiza ica kabiri, hanyuma Jesse Lingard ashiramwo ica gatatu.

Stones yahavuye yinjiza ikindi gitsindo, Kane nawe ashiramwo penaliti munyuma yinjiza n'ikindi ca gatatu imbere yuko uwitwa Felipe Baloy yinjiza igitsindo kimwe Panama yatahiye.

Bwabaye ubwa mbere umugwi w'Ubwongereza winjiza ibitsindo birenze bine mu gikombe c'isi yose kuva mu 1966 buhura n'Ubudagi.

Ubwongereza bugiye kuzohura n'Ububiligi - inyuma yaho butsindiye Tunisia 5-2 ku wa gatandatu.