Arsenal yerekeje amaso kuri Nico Williams na Mikel Merino - ni mu yavugwa mu mupira w'amaguru

Arsenal iripfuza umukinyi wo ku ruhande wa Athletic Bilbao Nico Williams w'imyaka 22, hamwe n'umukinyi wo hagati wa Real Sociedad Mikel Merino w'imyaka 28, ariko ihanganye na Barcelona kuri aba bakinyi bompi mpuzamakungu ba Espagne. (Standard)

Borussia Dortmund na Juventus, hampande ya Paris St-Germain, ziripfuza kugura umusatirizi wa Manchester United Umwongereza Jadon Sancho w'imyaka 24 ariko ntizishobora gushikana igiciro Man U imushirako. (Sky Sports)

Man U ishaka imiriyoni 40 z'amapawundi kuriSancho. (Mirror)

Trent Alexander-Arnold yiyemeje kutavavanura na Liverpool, ikaba yiteze ko uno Mwongereza akina inyuma ku ruhande rw'i buryo w'imyaka 25 ashobora gutera igikumu ku masezerano mashasha mu gihe Real Madrid imuraba ryiza. (Sun)

Manchester City iri mu biganiro vyo kugurisha umunya-Brezili akina inyuma ku ruhande rw'i buryo Yan Couto w'imyaka 22 - ariko atarashobora gukina muri uno murwi - kuri Borussia Dortmund, ikaba yiteze ko uno murwi wo mu Budagi ushobora gutanga imiriyoni zababa 25 z'amapawundi. (Mail)

Manchester United yemeye gutanga musi y' imiriyoni 40 z'ama-euro ku mukinyi w'inyuma w'Ubuholande Matthijs de Ligt w'imyaka 24 ariko Bayern Munich ntizokwemera amahera ari musi y'imiriyoni 50 z'ama-euro kandi hakiyongerako n'uturusho. (Sky Sports Germany)

Umukinyi w'inyuma wa Chelsea Trevoh Chalobah w'imyaka 25 aratangazwa no kubona uno murwi utamutwaye mu rugendo rwo kwitegurira ihiganwa buca ritangura muri Reta Zunze Ubumwe za Amerika, akabona ko ari inzira yo kumwirukana mu murwi. (Guardian)

Umwongereza Kieran Trippier w'imyaka 33 akina inyuma ariko aratera amero imirwi ibiri yo muri Arabia Sawudite, kandi mu gihe asigaje umwaka umwe mu masezerano afitaniye na Newcastle United, ariteguye gusezera uno murwi. (Northern Echo)

Umukinyi wo hagati wa Brezili Joelinton w'imyaka 27, avuga ko yishimiye kuba ari muri Newcastle United kandi afise icizere ko mugenziwe Bruno Guimaraes w'imyaka 26 "azoguma" muri uno murwi, nubwo hari amakuru avuga ko ashobora gusezera. (Guardian)

Umusatirizi wa Brentford n'Ubwongereza Ivan Toney w'imyaka 28, ariteguye kurangiza amasezerano yiwe mu gihe hatoboneka umurwi yiyumvamwo ushobora kumugura.(Talksport)

Manchester United izotegerezwa kubanza kugurisha umukinyi wayo w'inyuma ku ruhande rw'i buryo Aaron Wan-Bissaka w'imyaka 26, nimba yipfuza kugura umukinyi w'inyuma ku ruhande rw'i buryo wa Maroc Noussair Mazraoui w'imyaka 26 asanzwe akinira Bayern Munich. (Mirror)

Everton iriteguye kwakira nk'intizo umukinyi wo hagati wa Napoli Umunya-Danemark Jesper Lindstrom w'imyaka 24, mu masezerano y'umwaka umwe w'inkino arimwo ingingo y'uko ishobora kuzomugura ku miriyoni 18.5 z'amapawundi.(Gianluca Di Marzio)

Bologna iriko iravugana n'Umudagi akina inyuma Mats Hummels w'imyaka 35, ubu yirebanga inyuma yo gusezera muri Borussia Dortmund, ubu ikaba iriko irondera gusubiriza Riccardo Calafiori w'imyaka 22 yiteguye kwimukira muri Arsenal.(Sky Sport Italy)

Getafe izoronka imiriyoni zirenga zitanu z'amapawundi kw'igurisha ry'umusatirizi w'Ubwongereza Mason Greenwood w'imyaka 22, Manchester United ikaba yamugurishije muri Marseille ku miriyoni 26.7 z'amapawundi, kubera ingingo iri mu masezerano bagiriraniye na Old Trafford igihe imutiza uno murwi wo muri Espagne mu mwaka w'inkino uheze. (Times - subscription required)

Umusatirizi wa Ecosse Oli McBurnie w'imyaka 28, ariteguye kwimukira mu murwi Las Palmas wo mw'ihiganwa La Liga rya Espagne kuri gusa inyuma y'aho aviriye muri Sheffield United muri iri ci. (Fabrizio Romano)

Kizigenza wa Rangers James Tavernier w'imyaka 32 ari mu biganiro na Trabzonspor yo muri Turukiya ikaba yiteguye gutanga umuriyoni w'amapawundi kuri uno mukinyi w'inyuma w'Umwongereza. Uwo murwi wo muri Ecosse uriteguye kandi kwumviriza aboza barondera Umwongereza Todd Cantwell w'imyaka 26, mu gihe hari imirwi myinshi yo mu Bwongereza imwipfuza. (Scottish Sun)

Chelsea imaze kugiriranira ibiganiro vy'intangamarara ku munyegori Filip Jorgensen w'imyaka 22 asanzwe akinira Villarreal.(Standard)