Imvo n'Imvano irasesengura imyaka 25 umuryango wa EAC umaze

Mwaramutse neza mwese abateze amatwi BBC, none ni ku wa gatandatu tariki ya 28 z'ukwezi kwa 12 umwaka wa 2024, ni umwanya w'ikiganiro Imvo n'Imvano.

Hashize imyaka 25 Umuryango w'Afurika y'i burasirazuba wongeye gushingwa n'ibihugu bya Kenya, Tanzaniya na Uganda – hari mu mwaka wa 1999. Ariko kuri ubu ibihugu biwugize byariyongereye bimaze kuba ibihugu 8.

Abasesenguzi n'abakurikiranira hafi iby'uwo muryango bavuga ko hari byinshi byo gushima ko umaze kugeraho, birimo: guhuza za gasutamo, koroshya ubuhahirane hagati y'ibihugu, n'ibikorwa remezo birimo imihanda ihuza ibihugu bigiye byegeranye.

Gusa bakavuga ko uyu muryango ugaragaza intege nke hafi ya nta zo mu gucyemura amakimbirane hagati y'ibihugu binyamuryango.

Mu ntangiriro y'uyu mwaka, u Burundi bwafunze umupaka n'u Rwanda bushinja u Rwanda gushyigikira umutwe w'inyeshyamba, ibirego Kigali ihakana.

Hariho kandi amakimbirane amaze igihe n'umubano mubi hagati y'u Rwanda na Repubulika ya Demokarasi ya Congo, ibi byose ngo bigatera ingaruka zikomeye mu bucuruzi n'imigenderanire y'abaturage b'ibyo bihugu.

Turanyarukira ku mipaka ihuza u Rwanda n'u Burundi twumve ingaruka ku baturage ziterwa n'ifunga ry'imipaka ndetse tunavugane n'abasesenguzi ba politike yo mu karere.

Iki kiganiro mwagiteguriwe kandi murakigezwaho na Yves Bucyana.