Imvo n’imvano ku ngaruka za gatanya hagati y’abashakanye mu Rwanda

Ikaze kuri mwese mu kiganiro Imvo n’Imvano, none ni kuwa gatandatu itariki ya 10 z’ukwezi kwa 8 umwaka wa 2024. Turi mu ruhererekane rw’ibiganiro ku itegeko rishya ry’umuryango mu Rwanda.

Nyuma yo kumva ingingo zaryo, iyemerera abagize imyaka 18 gushyingirwa babisabye kubera impamvu zumvikana ndetse n’ingingo ivuga ku gutandukana kw’abashakanye, ikiganiro cyacu cy’uyu munsi turavuga ku ngaruka za gatanya abatandukanye bahura nazo.

Mu Rwanda havugwa ubwiyongere bukomeye bwo gutana kw’abashakanye mu myaka ya vuba.

Mu mwaka w’ubucamanza wo kuva mu kwezi kwa 7, 2022 kugeza mu kwa (7), 2023 inkiko zemeje gatanya za burundu zigera kuri 3,075.

Bamwe mu bamaze gutandukana byemewe n’amategeko baganiriye n’Imvo n’Imvano bavuga ko ingaruka zikomeye za gatanya zirimo ihungabana rikabije kuribo ndetse no ku muryango muri rusange.

Ni mu gihe abatoza b’ingo b’umwuga bavuga ko gukumira gatanya bishoboka cyane binyuze mu nyigisho zihabwa abari mu miryango ibanye mu makimbirane.

Iki kiganiro mwagiteguriwe kandi murakigezwaho na Yves Bucyana.