Amwe mu mafoto yaranze Afurika muri iki cyumweru: Tariki 24 y'ukwa kabiri - tariki ya 2 y'ukwa gatatu 2023

Inyandiko gusa
Abasiganwa ku magare bari mu muhanda

Ahavuye isanamu, Reuters

Insiguro y'isanamu, Abasiganwa ku magare mu Rwanda, ruzwi nk'igihugu cy'imisozi igihumbi, ku wa gatandatu barushanwaga mu gace ka nyuma ka Tour du Rwanda, aha ni mu murwa mukuru Kigali. Tour du Rwanda y'uyu mwaka yegukanywe n'Umunya-Eritrea Henok Mulubrhan.
Abagabo barimo kwifotoreza ku rukuta rusize irangi

Ahavuye isanamu, Getty Images

Insiguro y'isanamu, Ku wa gatanu, mu mujyi wa Tema muri Ghana, aba bagabo barimo kwifotoreza ku rukuta rusize irangi ruherutse gutahwa ku mugaragaro, ruriho ishusho y'uwari umukinnyi w'umupira w'amaguru uzwi ku rwego rw'isi, Christian Atsu, wapfiriye mu mutingito w'isi muri Turukiya.
Umugabo wisize irangi

Ahavuye isanamu, AFP

Insiguro y'isanamu, Ku wa gatandatu, uyu mugabo wisize irangi yitabiriye umuhango wo gutangiza iserukiramuco nyafurika rya filime rizwi nka FESPACO, mu murwa mukuru Ouagadougou wa Burkina Faso.
Abagabo barimo gufotoresha telefone

Ahavuye isanamu, Reuters

Insiguro y'isanamu, Ku cyumweru, uyu mugabo wo mu bwoko bw'aba Maasai muri Kenya arimo gufata amashusho ya Jill Biden, umugore wa Perezida w'Amerika, mu ruzinduko yagiriye mu cyaro cyo mu karere ka Kajiado ko mu majyepfo y'igihugu.
Abagore bafite indabo mu kiganza

Ahavuye isanamu, Getty Images

Insiguro y'isanamu, Ku wa gatandatu, mu murwa mukuru Tunis wa Tuniziya, abagore babiri bafite indabo mu myigaragambyo yo kwamagana irondaruhu n'amagambo ya Perezida wanenze ukwiyongera kwinshi mu gihugu kw'abimukira baturuka muri Afurika yo munsi y'ubutayu bwa Sahara.
Abagore bapfukamye

Ahavuye isanamu, Reuters

Insiguro y'isanamu, Ku wa gatanu, umunsi wabanjirije amatora muri Nigeria, abakristu basengeye amahoro mu rusengero rwo mu gace ka Makoko ko mu nkengero y'umujyi wa Lagos...
Abantu bitwikiriye umutaka bari ku murongo

Ahavuye isanamu, Reuters

Insiguro y'isanamu, Ku munsi w'amatora, mu mujyi wa Yola wo mu majyaruguru ashyira uburasirazuba bwa Nigeria, aba bantu bitwikiriye umutaka, kuri uwo munsi kuri benshi wabaye muremure kandi ukarangwa n'ubushyuhe...
Umugabo urimo gucuranga gitari

Ahavuye isanamu, Reuters

Insiguro y'isanamu, Uyu mugabo uri ku murongo arimo gucuranga gitari mu gihe ategereje kugerwaho ngo atore...
Umugabo ucuruje ibisheke

Ahavuye isanamu, BBC/MANSUR ABUBAKAR

Insiguro y'isanamu, Ibintu byari amahoro mu mujyi wa Kano wo mu majyaruguru ya Nigeria kuri uwo munsi w'amatora, aho uyu mugabo yahise akora ubucuruzi bwihuse akagurisha ibisheke ku baje gutora...
Abagabo barimo guseka

Ahavuye isanamu, AFP

Insiguro y'isanamu, I Lagos, ahabaye akavuyo mu bice bimwe na bimwe, aba bari mu byishimo nyuma y'itangazwa ry'ibyavuye mu matora ku biro by'itora batoreyeho...
Umugabo uryamye hejuru y'imodoka

Ahavuye isanamu, AFP

Insiguro y'isanamu, Iminsi ibiri nyuma yaho, ubwo amashyaka atavuga rumwe n'ubutegetsi yishyiraga hamwe agatangaza ko ayo matora ari ikinamico, umugabo aryamye ku modoka ye i Lagos - aruhuka ako kavuyo.
Macron araramye areba hejuru afashe ku giti

Ahavuye isanamu, AFP

Insiguro y'isanamu, Ku wa kane, Perezida w'Ubufaransa Emmanuel Macron yararamye areba igiti kimaze imyaka 700 cyo mu ishyamba riri hafi y'umurwa mukuru Libreville wa Gabon.
Umugabo ufashe ingona mu ntoki

Ahavuye isanamu, Getty Images

Insiguro y'isanamu, Hanyuma, uyu mugabo wo mu gace ka West Suhail, hafi y'urugomero rwa Aswan mu Misiri, ku wa gatanu yari afashe ingona. Abatuye muri iki cyaro cya Nubia borora ibi bikururanda kuko ba mukerarugendo babaha amafaranga kugira ngo babirebe.

Aya mafoto yose akoreshwa bitangiwe uruhushya.