Amwe mu mafoto yaranze Afurika muri iki cyumweru: Tariki 19-26 Gicurasi 2023

Inyandiko gusa
Fulgence Kayishema mu rukiko muri Afurika y'Epfo ku itariki ya 26 Gicurasi 2023

Ahavuye isanamu, Getty Images

Insiguro y'isanamu, Fulgence Kayishema ushinjwa kugira uruhare muri jenoside yabaye mu Rwanda mu 1994, ku wa gatanu yagejejwe mu rukiko i Cape Town muri Afurika y’Epfo, nyuma yo gufatirwa muri icyo gihugu ku wa gatatu. Yari amaze imyaka irenga 20 ashakishwa n'ubutabera. Ashinjwa kuyobora ubwicanyi bwakorewe abatutsi bagera hafi ku 2,000 bari bahungiye kuri Kiliziya Gatolika ya Nyange mu burengerazuba bw'u Rwanda.
Umugore wikoreye amacupa ya plastike

Ahavuye isanamu, AFP

Insiguro y'isanamu, Ku wa kabiri, i Abidjan muri Côte d'Ivoire, uyu mugore yikoreye amacupa menshi yavuyemo amazi.
Umugore ufite ibendera

Ahavuye isanamu, Getty Images

Insiguro y'isanamu, Byari ibyishimo ku wa gatatu muri Eritrea, ubwo uyu mugore yizihizaga umunsi w'ubwigenge bw'igihugu cye, bwagejeje ku musozo w'intambara icyo gihugu cyari kimaze imyaka 30 kirwana na Ethiopia...
Perezida wa Eritrea Isaias Afwerki akikijwe n'abantu bafite imitaka y'ibara ritukura. Arimo kumwenyura

Ahavuye isanamu, Getty Images

Insiguro y'isanamu, Perezida wa Eritrea Isaias Afwerki arimo kumwenyura kuri uwo munsi. Ethiopia yari yariyometseho iki gihugu mu 1962, ariko ingabo za Eritrea zisubije umurwa mukuru wacyo mu 1991, nyuma habaho gutorera ubwigenge mu 1993.
Abagabo bicaye ku mifuka yafunze umuhanda

Ahavuye isanamu, AFP

Insiguro y'isanamu, Ku wa mbere, muri Sénégal, abigaragambya bafunze umuhanda werekeza ku rugo rw'umukuru w'abatavuga rumwe n'ubutegetsi Ousmane Sonko, mu kurinda ko atabwa muri yombi. Ashinjwa gufata abagore ku ngufu, ikirego ahakana.
Umufana wa Sénégal arimo gufana afite ibendera ry'igihugu cye

Ahavuye isanamu, Getty Images

Insiguro y'isanamu, Muri Argentina, abafana ba Sénégal ku cyumweru bari barimo gufana ikipe y'umupira w'amaguru y'igihugu cyabo, mu gikombe cy'isi cy'uyu mwaka cy'abari munsi y'imyaka 20, mu mukino wo mu itsinda wayihuje n'Ubuyapani, Ubuyapani bwatsinze uwo mukino ku gitego 1-0.

Aya mafoto akoreshwa bitangiwe uruhushya.