Inteko y'Uburayi yasabye ko Victoire Ingabire arekurwa 'aka kanya'

Inyandiko gusa
Victoire Ingabire ku rukiko mu kwezi gushize kwa Kanama
Insiguro y'isanamu, Victoire Ingabire ku rukiko mu kwezi gushize kwa Kanama

Inteko Ishingamategeko y'Ubumwe bw'Uburayi yemeje umwanzuro wo kwamagana urubanza rukomeje mu Rwanda rwa Victoire Ingabire isaba ko arekurwa "aka kanya", ivuga ko rurimo "amakosa akomeye".

Ingabire -ukuriye ishyaka Dalfa-Umurinzi ritaremerwa n'amategeko y'Urwanda - yatawe muri yombi muri Kamena(6) uyu mwaka aregwa ibyaha bitandatu birimo icyo kuba mu mutwe ugambiriye guhirika ubutegetsi, kurema umutwe w'abagizi ba nabi, no gutegura ibikorwa bigamije gukurura imvururu muri rubanda, ibyaha we ahakana.

Urukiko ruherutse kwanga ubujurire bw'uyu munyapolitike utavuga rumwe n'ubutegetsi wasabaga kuburana adafunze, ubu afungiye muri gereza.

Inteko y'ibihugu bigize Ubumwe bw'Uburayi ivuga ko ibikorwa by'amategeko b'u Rwanda kuri Victoire Ingabire biri "mu nkubiri nini yo kuburabuza abantu bo mu ruhande rutavuga rumwe n'ubutegetsi", ikavuga ko kuva mu 2017 abantu batanu bo mu ishyaka FDU-Inkingi Victoire yahozemo "bapfuye cyangwa baburirwa irengero".

Leta y'u Rwanda yagiye ihakana ibikorwa ishinjwa byo kwibasira abatavuga rumwe n'ubutegetsi , naho ku rubanza rwa Ingabire ikavuga ko ubutabera bw'u Rwanda bwigenga.

'Twagomba twibutse EU ko Urwanda ari igihugu cigenga' -Minisitiri Olivier Nduhungirehe

Mu kiganiro yahaye BBC Gahuzamiryango yishura kuri iyo ngingo y'inteko y'Ubumwe bw'Ubulayi, umushikiranganji w'imigenderanire y'u Rwanda n'amakungu, yavuze ko nk'igihugu cigenga, ubutungane bwaco butagendera ku ngingo z'ibihugu vy'amahanga. Ikindi kandi ngo si n'ingingo ya mbere Ubumwe bwa Bulaya bufashe yerekeye u Rwanda. Yasobanuye ko u Rwanda rudaha agaciro iyo ngingo nk'uko rutahaye agaciro izindi zayibanzirije.

Insiguro y'amajwi, 'Uriya mwanzuro ntidushobobora kuwuha agaciro'

N'ahop biri uko, inteko y'ibihugu bigize Ubumwe bw'Uburayi ivuga ko ibikorwa by'amategeko b'u Rwanda kuri Victoire Ingabire biri "mu nkubiri nini yo kuburabuza abantu bo mu ruhande rutavuga rumwe n'ubutegetsi", ikavuga ko kuva mu 2017 abantu batanu bo mu ishyaka FDU-Inkingi Victoire yahozemo "bapfuye cyangwa baburirwa irengero".

Leta y'u Rwanda yagiye ihakana ibikorwa ishinjwa byo kwibasira abatavuga rumwe n'ubutegetsi , naho ku rubanza rwa Ingabire ikavuga ko ubutabera bw'u Rwanda bwigenga.

Skip Ibisomwa cane and continue reading
Ibisomwa cane

End of Ibisomwa cane

Skip podcast promotion and continue reading
WhatsApp channel ya BBC Gahuza

Amakuru ya BBC Gahuza ako kanya kuri WhatsApp yawe

Kanda hano ujyeho

End of podcast promotion

Ntacyo kugeza ubu iravuga ku byatangajwe n'inteko y'Ubumwe bw'Uburayi.

Inteko y'Ubumwe bw'Uburayi ivuga ko "ihangayikishijwe cyane" n'ibikorwa byibasira kandi abanyamakuru, abagize sosiyete sivile n'abanenga ubutegetsi "binyuranyije n'amategeko mpuzamahanga yo kubahiriza uburenganzira bwa muntu".

Mu mwanzuro wayo, iyi nteko yasabye ko Ingabire n'abafunganywe na we – barimo umunyamakuru Théoneste Nsengimana wafunzwe mu 2021 – barekurwa kandi ibirego baregwa bigakurwaho "nta yandi mananiza kuko "bazira gukoresha uburenganzira bwabo mu mahoro".

Mu itangazo, abagize inteko y'Ubumwe bw'Uburayi basabye abategetsi b'u Rwanda gufungura ubwisanzure bw'itangazamakuru n'urubuga rwa politike na demokarasi.

Basabye Komisiyo y'Ubumwe bw'Uburayi gusubiramo inkunga, harimo iy'amafaranga, ihabwa inzego z'ubutegetsi bw'u Rwanda "zifite uruhare mu gufunga binyuranyije n'amategeko, iyicarubozo n'imanza z'akarenganyo".

Basabye kandi abahagarariye ibihugu bigize Ubumwe bw'Uburayi i Kigali kuganira na guverinoma y'u Rwanda kuri ibi bibazo bavuze, no gusura abafunzwe muri buriya buryo bamagana, babasaba no gukurikirana imanza zabo.

Abadepite 549 b'iyo nteko batoye bashyigikira uyu mwanzuro, babiri(2) batoye bawanga naho 41 barifata.