Amwe mu mafoto yaranze Afurika muri iki cyumweru: Tariki 23-29 Kamena (6) mu 2023

Inyandiko gusa
Umugabo ufashe ifi nini mu kiganza yitegura kuyibaga

Ahavuye isanamu, Sebnem Coskun/Getty Images

Insiguro y'isanamu, Umugabo ucuruza amafi wo ku kirwa cya Zanzibar muri Tanzania, arimo kwitegereza ifi mu gihe yitegura kuyigurisha mu isoko ry'amafi ryo ku wa gatanu mu mujyi uzwi nka Mji Mkongwe (Stone Town)...
Umuntu wibiye mu mazi

Ahavuye isanamu, AEBNEM COAKUN/GETTY IMAGES

Insiguro y'isanamu, Ariko hari ubwoba ko kuroba hamwe n'ibindi bikorwa byo ku nkombe y'icyo kirwa gikora ku nyanja, bishobora kwangiza urusobe rw'ibinyabuzima byo mu mazi, rurimo kugenzurwa n'uyu muntu wibiye mu mazi kuri uwo munsi wo ku wa gatanu.
Umugabo wasimbye

Ahavuye isanamu, Jalal Morchidi/EPA

Insiguro y'isanamu, Ku wa gatanu, uyu mugabo arasusurutsa imbaga y'abantu bitabiriye iserukiramuco ry'umuziki rizwi nka Gnaoua World Music Festival, aha ni muri Maroc.
Umugore wasamye aseka uri kumwe n'abandi bagore

Ahavuye isanamu, Luc Gnago/Reuters

Insiguro y'isanamu, Mu gace ka Adjamé ko mu nkengero y'umujyi wa Abidjan, muri Côte d'Ivoire, ibirori by'umunsi mukuru wa Eid al-Adha byatangiye ku wa kabiri, habura umunsi umwe ngo uwo munsi w'ikiruhuko ku bayisilamu ube.
Umugabo urimo kubaga intama

Ahavuye isanamu, AFP

Insiguro y'isanamu, Mu mujyi wa Wad Hamid, ku ntera ya kilometero hafi 100 mu majyaruguru y'umurwa mukuru Khartoum wa Sudan, uyu mugabo arakura uruhu ku ntama yo kurya ku munsi mukuru wa Eid, abahatuye bizihije uwo munsi nubwo hari imirwano...
Umwana wicaye

Ahavuye isanamu, Ibrahim Mohammed Ishak/Reuters

Insiguro y'isanamu, Ariko imirwano, yatangiye mu kwezi kwa Mata (4) uyu mwaka, yatumye abantu babarirwa muri za miliyoni bata ingo zabo - barimo n'uyu muhungu uboneka kuri iyi foto yo ku wa gatatu mu masengesho ya Eid, mu burasirazuba bwa Sudan.
Abasirikare bari ku karasisi

Ahavuye isanamu, Rafalia Henitsoa/Getty Images

Insiguro y'isanamu, Ku wa mbere, abasirikare ba Madagascar bari ku karasisi mu murwa mukuru Antananarivo, nka kimwe mu bikorwa byo kwizihiza isabukuru y'imyaka 63 y'ubwigenge
Raila Odinga ahagaze mu modoka ari kumwe n'imbaga y'abamushyigikiye mu myigaragambyo

Ahavuye isanamu, Thomas Mukoya/Reuters

Insiguro y'isanamu, Naho ku wa kabiri, umukuru w'abatavuga rumwe n'ubutegetsi muri Kenya, Raila Odinga, yagaragaje ko agishoboye kwitabirwa n'imbaga y'abantu, aha bari bari mu myigaragambyo isaba gusuzugura ubutegetsi kubera inyongera nshya ku musoro zashyizweho umukono na Perezida zigahinduka itegeko.

Aya mafoto akoreshwa bitangiwe uruhushya.