Rwanda: Abagore mu birombe by'amabuye y'agaciro - inkuru y'ibirimo guhinduka

Umubare w’abagore bakora mu bucukuzi bw’amabuye y’agaciro uragenda wiyongera mu Rwanda. Uhereye ku bakora mu birombe nyirizina, abashinzwe umutekano mu birombe, abapima. amabuye muri laboratoire, abayatunganya ngo agezwe ku isoko…Iyi mirimo mbere yasaga n’umwihariko w’abagabo.

Muri kimwe mu kigo gikora ubucukuzi bwa mines mu Rwanda, mu myaka ibiri ishize abakozi bacyo 3% gusa ni bo bari abagore, ubu kigeze kuri 12% kandi kivuga ko kigamije kugera nibura kuri 30% mu gihe cya vuba.