M23 ibwira EU na Amerika ko idashobora kuva Masisi kuko ari iwabo

Umutwe wa M23 urwanya leta ya Repubulika ya Demokarasi ya Congo, uvuga ko udashobora kuva mu mujyi wa Masisi muri Kivu y'amajyaruguru, uheruka gufata mu mpera z'icyumweru gishize.

Uyu mutwe uvuze ibi mu gusubiza ku bisabwa n'ishyirahamwe ry'Ubumwe bw'Uburayi na Leta Zunze Umwe za Amerika.

Mw'itangazo, ibyo bihugu bibwiriza M23 kuva muri uwo mujyi ngo kuko bisubiza inyuma intambwe yari igezweho n'ibiganiro bya Luanda.

Ibi umuvugizi wa M23, Balinda Oscar, yabwiye Jacques Niyitegeka wa BBC Gahuzamiryango, ashimangira ko badashobora kuva i Masisi kuko ari iwabo.

Yabanje kumubaza niba biteguye kuva mu mujyi wa Masisi no kubahiriza agahenge nk'uko babisabwe na Amerika n'umuryango w'ubumwe bw'Uburayi.