Amwe mu mafoto yaranze Afurika muri iki cyumweru: Tariki ya 17 kugeza ku ya 23 y'ukwa gatatu mu 2023

Inyandiko gusa
Ababyinnyi i Kigali bari ku mbuga imbere y'inzu z'amagorofa

Ahavuye isanamu, Getty Images

Insiguro y'isanamu, Ku cyumweru, i Kigali, aba bantu barimo kubyina mu gikorwa kijyanye n'umunsi wa Commonwealth.
Abantu bari mu myigaragambyo i Nairobi

Ahavuye isanamu, Getty Images

Insiguro y'isanamu, Ku wa mbere, i Nairobi habonetse imyotsi n'umuriro mu myigaragambyo yo kwamagana leta ya Kenya ya Perezida William Ruto. Umukuru w'abatavuga rumwe n'ubutegetsi Raila Odinga ni we wahamagaje iyi myigaragambyo, avuga ko yibwe intsinzi mu matora yo mu mwaka ushize, nubwo urukiko rwemeje ko yayatsinzwe...
Umugabo uri mu myigaragambyo i Nairobi

Ahavuye isanamu, EPA

Insiguro y'isanamu, Uyu ushyigikiye abatavuga rumwe n'ubutegetsi bwa Kenya yari ari muri iyo myigaragambyo, yikoreye amabuye mu mufuka. Odinga anashinja leta kunanirwa kugira icyo ikora ku kibazo cy'imibereho ikomeje kugorana.
Umugore urimo kuvuza inzogera

Ahavuye isanamu, EPA

Insiguro y'isanamu, Muri Nigeria ku wa gatandatu, habaye amatora y'abaguverineri n'abagize inteko ishingamategeko zo ku rwego rwa za leta, mu gihe uyu mugore yavuzaga inzogera ye hanze y'ibiro by'itora i Lagos. Nubwo byari bishyushye hano, ishami rya BBC ritangaza ibiganiro mu rurimi rwa Pidgin ryatangaje ko ayo matora atitabiriwe cyane.
Abantu barimo kuvoma amazi

Ahavuye isanamu, Getty Images

Insiguro y'isanamu, I Dakar mu murwa mukuru wa Sénégal, habura iminsi ngo hizihizwe umunsi mpuzamahanga wahariwe kuzirikana ku mazi, aba bantu barimo bavoma amazi mu kinogo. ONU ivuga ko isi irimo kwerekeza mu makuba atewe n'ubucye bw'amazi.
Abayisilamu barimo gusenga mu musigiti

Ahavuye isanamu, Getty Images

Insiguro y'isanamu, Ku wa gatatu, yari intangiriro y'ukwezi gutagatifu kw'igisibo cy'abayisilamu kwa Ramadan. Aba bayisilamu bari barimo gusengera mu musigiti wa Amr ibn al-As wo mu murwa mukuru Cairo wa Misiri.
Umugabo urimo guhoberana n'umugore

Ahavuye isanamu, AFP

Insiguro y'isanamu, Kari akanyamuneza i Nairobi, ubwo Umunya-Kenya usiganwa mu kwiruka intera ngufi, Ferdinand Omanyala, yahoberanaga n'umugore we na we usiganwa mu ntera ngufi, Laventa Omanyala, ku munsi w'isabukuru y'amavuko y'uyu mugore we.

Aya mafoto yose akoreshwa bitangiwe uruhushya.