Mu mafoto: Uko Morocco yategereje n'umutima uhagaze amakuru ya Rayan w'imyaka itanu

Inyandiko gusa
Abakora mu bikorwa by'ubutabazi bari mu kazi ko kugerageza kurokora Rayan, umwana w'umuhungu w'imyaka itanu, wari waheze mu kinogo cy'iriba akamaramo iminsi, mu ntara ya Chefchaouen mu majyaruguru ya Maroc

Ahavuye isanamu, Getty Images

Amatsinda y'abakora ibikorwa by'ubutabazi muri Maroc yamaze iminsi agerageza kugera kuri Rayan Oram, umwana w'umuhungu w'imyaka itanu, wari waguye mu kinogo cy'iriba se yari arimo gusana mu mujyi muto wa Tamorot wo mu majyaruguru.

Aho abakora ibikorwa by'ubutabazi bakoreraga bagerageza kugera ku mwana w'umuhungu w'imyaka itanu, wari waheze mu kinogo cyo mu mujyi muto w'imisozi wa Tamorot, hafi y'umujyi wa Chefchaouen

Ahavuye isanamu, Reuters

Iki gikorwa cyagowe n'ubutaka bw'urusenyi (umusenyi) n'ibitare bwo muri ako karere. Ibyo bivuze ko uko ubwo butaka bwari kwivanga mu kinogo uko ari ko kose kwari guteza ibyago byo kuriduka.

Amatsinda y'abakora ubutabazi bwihuse, arimo n'abazimya umuriro, yafashije mu gucukura undi muhora (umuyoboro) utambitse werekeza kuri icyo kinogo, mu kugerageza kugera kuri Rayan mu buryo burimo umutekano. Yari yaheze mu bujyakuzimu bwa metero 32 acokereye hejuru hafunganye aho ikinogo gitangirira.

Abakora mu bikorwa by'ubutabazi bari mu kazi bagerageza kugera kuri Rayan, umwana w'umuhungu w'imyaka itanu, wari waheze mu kinogo muri Maroc nyuma yo kukigwamo

Ahavuye isanamu, Getty Images

Abakora mu bikorwa by'ubutabazi bari mu kazi bagerageza kugera kuri Rayan, umwana w'umuhungu w'imyaka itanu, wari waheze mu kinogo muri Maroc nyuma yo kukigwamo

Ahavuye isanamu, Getty Images

Kugwa mu kinogo kwa Rayan kwamaze iminsi guhagaritse umutima abatuye iki gihugu cyo muri Afurika y'amajyaruguru. Ababarirwa mu bihumbi bateraniye aho kugerageza kumurokora byaberaga, barimo gushyigikira abakora ubutabazi. Benshi mu bakora ibikorwa by'ubutabazi bakoze ubutaruhuka, mu ijoro bakifashisha amatara abonesha ahantu hanini.

Ku wa gatandatu, imbaga y'abantu muri Maroc yateranye ireba ibikorwa by'ubutabazi byo kugerageza kurokora Rayan, umwana w'umuhungu w'imyaka itanu, waguye mu kinogo ku itariki ya mbere y'ukwezi kwa kabiri

Ahavuye isanamu, Getty Images

Umubyeyi wo muri Maroc arategereje, mu gihe amatsinda y'abakora ibikorwa by'ubutabazi arimo kugerageza kurokora Rayan, umwana we w'umuhungu w'imyaka itanu, amukura mu kinogo yaguyemo

Ahavuye isanamu, Getty Images

Insiguro y'isanamu, Umubyeyi wo muri Maroc arategereje, mu gihe amatsinda y'abakora ibikorwa by'ubutabazi arimo kugerageza kurokora Rayan, umwana we w'umuhungu w'imyaka itanu, amukura mu kinogo yaguyemo
Abakora ibikorwa by'ubutabazi bagerageza kugera kuri Rayan, umwana w'umuhungu w'imyaka itanu, wari waheze mu kinogo cyo mu mujyi muto w'imisozi wa Tamorot, hafi y'umujyi wa Chefchaouen

Ahavuye isanamu, Reuters

Kera kabaye, amatsinda akora ibikorwa by'ubutabazi yageze kuri Rayan hashize iminsi ine aguye mu kinogo, nuko inkuru y'urupfu rw'uyu mwana w'umuhungu wari ufite imyaka itanu, yemezwa n'itangazo ry'ubwami bwa Maroc.

Umurambo wa Rayan, umwana w'umuhungu wari ufite imyaka itanu, wakuwe aho mu modoka y'imbangukiragutabara (ambulance), mu ntara ya Chefchaouen muri Maroc

Ahavuye isanamu, EPA

Abo mu matsinda akora ibikorwa by'ubutabazi bafatanye mu biganza ubwo ababyeyi ba Rayan bavaga aho, mu gihe umurambo we watwawe mu modoka y'imbangukiragutabara (ambulance).

Abo mu matsinda akora ibikorwa by'ubutabazi bafatanye mu biganza ubwo ababyeyi ba Rayan bavaga aho, mu gihe umurambo we watwawe mu modoka y'imbangukiragutabara (ambulance)

Ahavuye isanamu, EPA

Aya mafoto yose akoreshwa bitangiwe uruhushya.