Joe Biden na Jill Biden batangaje urupfu rw'imbwa yabo 'bakunda' Champ

Inyandiko gusa
Imbwa Champ ya Joe Biden, yirambitse hasi ku itariki ya 10 y'ukwezi kwa gatanu mu 2012

Ahavuye isanamu, Getty Images

Insiguro y'isanamu, Imbwa Champ yari imaze imyaka 13 iba hamwe n'umuryango wa Biden

Perezida w'Amerika Joe Biden n'umugore we Jill Biden batangaje urupfu rw'imbwa yabo "bakunda" Champ yo mu bwoko bw'izikomoka mu Budage, yari imaranye na bo imyaka 13.

Perezida Biden yanditse kuri Twitter ku wa gatandatu ati: "Uyu munsi umuryango wacu wabuze umuherekeza wacu dukunda Champ. Nzamukumbura".

Iyo mbwa y'impwerume yari imwe muri ebyiri ziba hamwe n'umuryango wa Biden mu nyubako y'ibiro bya perezida w'Amerika bya White House, indi ihaba ikaba yitwa Major.

Yari yaranabaye aha i Washington ubwo Bwana Biden yari Visi Perezida.

Mu itangazo Biden na Madamu we Jill basohoye, bagize bati:

"Mu bihe byacu by'ibyishimo byinshi cyane no mu minsi y'akababaro kenshi cyane, yari ahari ari kumwe natwe, yita kuri buri byiyumviro byacu tutavuze ndetse no ku mbamutima zacu".

"Dukunda umuhungu wacu mwiza kandi tuzamukumbura buri gihe".

"N'igihe imbaraga za Champ zari zimaze kugabanuka mu mezi ye ya nyuma, igihe cyose twageraga mu cyumba, yahitaga ako kanya ahaguruka, umurizo we wizunguza buri gihe, akadukorakora ashaka gukorwa ku gutwi cyangwa ku nda".

Skip Ibisomwa cane and continue reading
Ibisomwa cane

End of Ibisomwa cane

"Aho twabaga turi hose, yashakaga kuhaba, ikintu cyose cyahitaga kimubera cyiza kurushaho iyo yabaga aturi iruhande".

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

BBC ntibazwa ibivuye ku zindi mbuga.

Imbwa Champ ikiri ntoya, ubwo Joe Biden yari Visi Perezida, yabaga "inezerewe cyane iyo yabaga yirukanka inyuma y'imipira y'umukino wa golf mu busitani bw'imbere ya [y'inyubako] Naval Observatory cyangwa yirukanka igiye gufata abuzukuru bacu iyo babaga barimo kwiruka mu rugo rwacu i Delaware", nkuko umuryango wa Biden wabivuze.

Champ na Madamu Jill Biden ubwo iyo mbwa yari igeze muri White House mu kwezi kwa mbere ivuye muri leta ya Delaware

Ahavuye isanamu, Reuters

Insiguro y'isanamu, Champ na Madamu Jill Biden ubwo iyo mbwa yari igeze muri White House mu kwezi kwa mbere ivuye muri leta ya Delaware

Kugera muri White House kwa Champ na Major - iyi ikaba ari imbwa y'imyaka itatu yari yarahuye n'ibibazo umuryango wa Biden ukayifata ngo uyiteho mu 2018 - kwabaye igihe imbwa zongeye kuba muri White House nyuma yuko byari byahagaze ku butegetsi bw'uwari Perezida Donald Trump.

Major yagarutsweho mu makuru mu kwezi kwa gatatu, nyuma yuko bivuzwe ko yarumye abantu inshuro ebyiri muri White House.