Mu mafoto: Iruka rya Nyiragongo muri DR Congo ryatumye benshi i Goma bahunga

Inyandiko gusa

Abantu babarirwa mu bihumbi bahunze bata ingo zabo i Goma muri Repubulika ya Demokarasi ya Congo nyuma yuko ikirunga cya Nyiragongo kirutse.

Mu ijoro ryo ku wa gatandatu rishyira ku cyumweru, amazuku cyangwa amahindure (lava) yabonesheje mu bicu byo muri uwo mujyi uri mu burasirazuba bw'igihugu, utuwe n'abantu miliyoni ebyiri.

Ifoto igaragaza mur rusange iruka rya Nyiragongo hejuru ya Goma, muri Repubulika ya Demokarasi ya Congo, ku itariki ya 22 y'ukwezi kwa gatanu mu 2021

Ahavuye isanamu, EPA

Presentational white space

Abantu bagerageje kuzimya umuriro bakoresheje amazi ubwo amazuku yakomezaga gutemba, yorosa ibice byo muri uwo mujyi ndetse n'imihanda.

Umuntu ugerageza kuzimya umuriro ku nyubako i Goma, nyuma yuko Nyiragongo irutse ku itariki ya 22 y'ukwezi kwa gatanu mu 2021

Ahavuye isanamu, Enoch David/Reuters

Amazuku yabonekaga hagati y'inyubako mu mujyi wa Goma.

Amazuku arimo kuva kuri Nyiragongo yarutse ku mugoroba wo ku itariki ya 22 y'ukwa gatanu mu 2021, arimo kuboneka hano hagati y'inyubako i Goma muri DR Congo, muri iyi foto itagaragaza itariki, yakuwe muri video yabonetse ku mbuga nkoranyambaga

Ahavuye isanamu, Enoch David/Reuters

Abatuye i Goma bahunze bikoreye imifariso (matelas), bafite n'ibindi bikoresho.

Umugore w'Umunye-Congo, wikoreye utwangushye ku mutwe, arahunga ava hafi y'ikirunga cya Nyiragongo cyarutse kuri Goma muri Repubulika ya Demokarasi ya Congo, ku itariki ya 22 y'ukwezi kwa gatanu mu 2021

Ahavuye isanamu, EPA

Nyuma yo kugera mu duce tumwe two mu nkengero ya Goma n'ikibuga cy'indege mu burasirazuba bw'uwo mujyi, ubu biravugwa ko amazuku atagitemba.

Ivu rikirimo umuriro ryabonetse i Goma mu burasirazuba bwa DR Congo, mu gitondo cyo ku itariki ya 23 y'ukwezi kwa gatanu mu 2021, nyuma y'iruka ry'ikirunga cya Nyiragongo

Ahavuye isanamu, AFP

Abanye-Congo babarirwa mu bihumbi, barimo n'abana, abagore n'abageze mu zabukuru, bahungiye mu gihugu cy'u Rwanda baturanye, nyuma yuko Nyiragongo irutse.

Kugeza kuri iki cyumweru, minisiteri y'u Rwanda ishinzwe ibikorwa by'ubutabazi yavuze ko benshi mu barenga 8000 bari bahungiye mu mujyi wa Gisenyi mu karere ka Rubavu, bamaze gusubira iwabo nyuma yuko bitangajwe ko icyo kirunga cyaretse kuruka.

Skip Ibisomwa cane and continue reading
Ibisomwa cane

End of Ibisomwa cane

Aha ni ku muhanda wo ku Gisenyi mu Rwanda hafi y'umupaka na DR Congo, aho bamwe baraye hamwe n'utwangushye bashoboye guhungana.

Abanye-Congo bahunze iruka rya Nyiragongo basinziriye hamwe n'imizigo hafi y'umupaka ku Gisenyi mu Rwanda, ku itariki ya 23 y'ukwezi kwa gatanu mu 2021

Ahavuye isanamu, AFP

Ikirunga cya Nyiragongo ni kimwe mu birunga byo ku isi bifite amateka ya vuba aha yo kuruka, aha iruka ryacyo riboneka urebeye ku kirwa cya Tchegera cyo mu kiyaga cya Kivu hanze y'umujyi wa Goma.

Ifoto yerekana iruka rya Nyiragongo urebeye ku kirwa cya Tchegera kiri mu kiyaga cya Kivu hanze y'umujyi wa Goma mu burasirazuba bwa DR Congo, ku itariki ya 22 y'ukwezi kwa gatanu mu 2021. Igaragaza indimi z'umuriro ziva kuri Nyiragongo.

Ahavuye isanamu, AFP

Aya mafoto yose akoreshwa bitangiwe uruhushya.