Kenya-Igiporisi: "Abinjiye bafise amanota menshi basaba ibidashoboka"
Ahavuye isanamu, Getty Images
Umuvugizi w'igipolisi muri Kenya arashigikira igituma mu giporisi hinjizwa ababa bafise amanota make mu kurangiza amashure yisumbuye, kuko ababa bafise menshi "basaba ibidashoboka".
Charles Owino yabwiye television Citizen ko abaza bafise amanota menshi bitaho cane gutera imbere mu kazi gutyo ntibakore cane nka bagenzi babo baba baje bafise amanota make.
Yongeye ko ati: "Turagira ingorane iyo dukoresheje umupolisi uwariwe wese afise amanota yo kuva kuri C+ no kuduga…
"[abo] baca basubira kw'ishure, bakiga bakazana izindi mpamyabushobozi, bakagaruka bakubwira bati 'ubu rero ntitugishika gukorera ku rugero twahorako."
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Owino avuga ko igihambaye ari ukwinjiza abantu bazi ubwenge, akavuga ko ivyo navyo bitava ku manota yo mw'ishure gusa.
"Uje ufise amanota meza …. hanyuma ntukore akazi, amanota yawe siyo azogukorera akazi, ni ukuvyumva, ukaduga amapete mu kazi wayakoreye."
Igipolisi ca Kenya kivugwa nka rumwe mu nzego za reta zirangwamwo ibiturire cane, abaporisi baco bakagirizwa guhonyanga agateka ka zina muntu.
Bamwe mu banyaKenya ivyo bavyegeka ku buryo iyinjizwa mu giporisi rigenda aho igihagararo c'umuntu kiza imbere y'amanota aba afise mw'ishure.
"[Kuba umuporisi] bisaba ibintu vyinshi, ntihakenerwa amanota menshi gusa" nk'uko Owino abivuga.
