Mali: Hatewe ibisase ku makambi ya France na UN
Ahavuye isanamu, Getty Images
Abagwanyi biyitirira idini rya Islam bafitaniye ubucuti na al-Qaeda barashe ibisase vya rokete ku makambi atatu ya gisirikare mu buraruko bwa Mali, mu bitero bidakunze gukorwa icarimwe ku ngabo mvamakungu.
Amakambi y'Abafaransa ari i Kidal, Meneka na Gao yatewe, n'aho abategetsi bataramenyesha ko hoba hari abapfuye canke abakomeretse.
Umuvugizi yavuze ko icicaro ca ONU/UN i Kidal cononekaye.
Mu ntango z'ukwezi guheze, abasirikare b'Abafaransa barishe Bah ag Moussa, umutegetsi wa gisirikare w'umugwi ukomeye w'abagwanyi bo muri Mali, uzwi nka JNIM.
Ubufaransa bufise abasirikare barenga 5.000 mu karere ka Sahel.
N'aho habaye utwigoro tw'amakungu, ubwicanyi bw'abitwaza intambara ntagatifu bwavuye muri Mali butandukira n'akarere kose.
