Amatora muri UK: Boris Johnson ati 'Intsinzi ikuyeho inkeke za kamarampaka ya kabiri'

Inyandiko gusa
Boris Johnson avuga ku ntsinzi y'ishyaka rye mu myanya y'abagize inteko

Ahavuye isanamu, Reuters

Insiguro y'isanamu, Boris Johnson avuga ku ntsinzi y'ishyaka rye mu myanya y'abagize inteko

Boris Johnson azasubira mu biro bya minisitiri w'intebe w'Ubwongereza bizwi nka Downing Street afite ubwiganze busesuye nyuma yaho ishyaka rye rya Conservative ritsinze bikomeye ishyaka Labour no mu turere ubundi Labour yari isanzwe itsindamo.

Mu gihe hasigaje gutangazwa umwanya umwe gusa muri ayo matora rusange yabaye ku munsi w'ejo, ishyaka rya Boris Johnson rimaze gutsindira imyanya 364 mu nteko y'imyanya 650.

Kuri ubu rifite ubwiganze bw'imyanya 78.

Jeremy Corbyn, umukuru w'ishyaka Labour, yavuze ko ishyaka rye "ryagize ijoro ry'akaga gakomeye" ndetse avuga ko atazahatana mu matora ataha.

Minisitiri w'intebe Johnson yavuze ko bizamuha ububasha bwo "kurangiza Brexit" ndetse agakura Ubwongereza mu muryango w'ubumwe bw'Uburayi (EU) mu kwezi gutaha, "nta byo kuvuga ngo keretse niba, nta na za ariko".

Bwana Johnson yabwiye imbaga y'abamushyigikiye ko intsinzi y'ishyaka rya Conservative "ikuyeho inkeke mbi zose zuko habaho kamarampaka ya kabiri" kuri 'Brexit'.

Ikarita y'ibimaze gutangazwa byavuye mu matora mu Bwongereza

Yashimiye by'umwihariko abatoye Conservative bwa mbere bari basanzwe ari abashyigikiye Labour.

Yagize ati: "Bishoboka ko ikiganza cyanyu cyatitiye mbere yo gushyira ikimenyetso mu gasanduku ka Conservative ku rupapuro rw'itora...Nciye bugufi, ndabashimiye ku cyizere mwangiriye na Conservative, kandi ibyo ntituzigera na rimwe tubirenza ingohe".

Skip Ibisomwa cane and continue reading
Ibisomwa cane

End of Ibisomwa cane

Mu butumwa bwo kuri Twitter, Perezida Donald Trump w'Amerika yifurije ishya n'ihirwe Bwana Johnson kuri iyo "ntsinzi ikomeye", avuga ko "ubu noneho Ubwongereza n'Amerika bizagira ubwisanzure bwo kugirana amasezerano y'ubucuruzi mashya akomeye" nyuma ya 'Brexit'.

Bwana Trump yavuze ko ayo masezerano "afite ubushobozi bwo kuruta kure no kugira inyungu ziruta iz'andi ayo ari yo yose na EU". Ati: "Mushimire Boris!"

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Mu gihe hasigaje gutangazwa umwanya umwe, ishyaka rya Conservative rifite abadepite 364, Labour ifite abadepite 203, SNP ifite abadepite 48, Lib Dems ikagira abadepite 11 naho DUP ifite abadepite umunani.

Sinn Fein ifite abadepite barindwi, Plaid Cymru ifite bane, SDLP ifite babiri. Green Party na Alliance Party afite umudepite umwe umwe kuri buri shyaka.

Boris Johnson yagiye ibwami ku ngoro yitwa 'Buckingham Palace' gusaba uruhushya Umwamikazi Elizabeth II rwo gushyiraho leta nshya nyuma y'ibyavuye mu matora

Ahavuye isanamu, PA Media

Insiguro y'isanamu, Boris Johnson yagiye ibwami ku ngoro yitwa 'Buckingham Palace' gusaba uruhushya Umwamikazi Elizabeth II rwo gushyiraho leta nshya nyuma y'ibyavuye mu matora

Ishyaka rya Brexit - ryari ryatsinze mu matora y'abagize inteko y'umuryango w'ubumwe bw'Uburayi yabaye ku mpeshyi - ryo ryananiwe gutsindira umwanya n'umwe.

Ibyo bivuze ko ishyaka rya Conservative rizagira ubwiganze bwa mbere busesuye cyane mu nteko kuva ubwo Minisitiri w'intebe Margaret Thatcher yatsindaga amatora ya manda ya gatatu mu 1987.

Ishyaka rya Labour, ryatakaje intebe mu majyaruguru, mu gice cyo hagati kizwi nka Midlands no muri Wales mu bice byashyigikiye 'Brexit' mu 2016, ryatsinzwe nabi cyane bwa mbere guhera mu 1935.