Arabia Saudite yahagaritse ibiganiro na Qatar

Inyandiko gusa
Qatar Airways ntiyemerewe gukoresha ikirere cya bimwe mu bihugu byo mu kigobe cy'abarabu.

Ahavuye isanamu, AFP

Insiguro y'isanamu, Qatar Airways ntiyemerewe gukoresha ikirere cya bimwe mu bihugu byo mu kigobe cy'abarabu.

Arabia Saudite yabaye ihagaritse ibiganiro ibyo ari byose na Qatar nyuma yaho byasaga nkaho hari hagiye kuboneka umuti w'ubwumvikane buke hagati y'ibihugu byombi.

Mu kiganiro kuri telefone, Skeikh Tamim bin Hamad al-Thani wa Qatar n'igikomangoma cya Arabia Saudite, Mohammed Bin Salman, bombi bari biyemeje gutangira imishyikirano.

Ariko mu nyuma Arabia Saudite yararakaye ivuga ko ibiro ntaramakuru bya Qatar byagombye kuba byaravuze ko Arabia Saudite ariko yatangije icyo kiganiro kuri telefoni.

Ubu bwumvikane buke nibwo bwa mbere bukomeye mu kigobe cy'abarabu mu myaka 20 ishize.

Ahavuye isanamu, Reuters

Insiguro y'isanamu, Ubu bwumvikane buke nibwo bwa mbere bukomeye mu kigobe cy'abarabu mu myaka 20 ishize.

Arabia Saudite n'ibindi bihugu byo mu kigobe cy'abarabu byacanye umubano na Qatar mu kwezi kwa gatandatu.

Bishinja iki gihugu gutera inkunga imitwe ivuga ko irwana intambara ntagatifu ya Jihad.

Ibyo bihugu bishinja kandi Qatar gukoranira bya hafi na Irani.