Ibihugu bitandatu by'abarabu byacanye umubano na Qatar

Inyandiko gusa
Guverinoma ya Qatar yavuze ko icyemezo cy'ibihugu bituranye nayo cyo guca umubano kidafite ishingiro

Ahavuye isanamu, EPA

Insiguro y'isanamu, Guverinoma ya Qatar yavuze ko icyemezo cy'ibihugu bituranye nayo cyo guca umubano kidafite ishingiro

Ibihugu bitandatu birimo na Arabia Seoudite, United Arab Emirates (UAE) na Misiri byahagaritse imigenderaniye muri dipolomasi na Qatar kubera kuyishinja gushyigikira iterabwoba.

Itangazo ry'aba Sawudi ryavuze ko Abanya Qatar bafitanye imigenderanire ya hafi n'amatsinda y'iterabwoba arimo n'umutwe wiyita Islamic State.

Aya maleta yo mu kigobe cy'abarabu yavuze ko yirukana abahagarariye Qatar ndetse UAE yavuze ko indege zayo za Etihad zitazongera kujya mu murwa mukuru Doha.

Qatar ivuga ko ibirego ishinjwa atari byo. Ariko ubu iri mu bwigunge nyuma yo gutereranwa n'abaturanyi bayo mu buryo butunguranye kandi budasanzwe.

Perezida wa Amerika Trump yahuye na perezida wa Misiri Sisi ndetse n'umwami wa Seoudi Arabiya Salman mu byumweru bibiri bishize

Ahavuye isanamu, EPA

Insiguro y'isanamu, Perezida wa Amerika Trump yahuye na perezida wa Misiri Sisi ndetse n'umwami wa Seoudi Arabiya Salman mu byumweru bibiri bishize

N'ubwo guca umubano na Qatar bije bitunguranye, ariko hari hashize imyaka myinshi bigaragara ko imigenderanire y'ibi bihugu itari imeze neza, cyane cyane mu byumweru bicye bishize.

Igikombe cy'isi kizaba mu myaka itanu kizakirirwa muri Qatar

Ahavuye isanamu, AllSport/Getty Images

Insiguro y'isanamu, Igikombe cy'isi kizaba mu myaka itanu kizakirirwa muri Qatar

Qatar, yitegura kwakira igikombe cy'isi muri 2022, yanenze icyemezo cy'ibihugu byacanye umubano nayo.