Uganda: Gen Katumba Wamala ashimira umurinzi we warashe asubiza ababateye

Inyandiko gusa
Imodoka yari irimo Gen Katumba Wamala yarashweho amasasu menshi

Ahavuye isanamu, Reuters

Insiguro y'isanamu, Imodoka yari irimo Gen Katumba Wamala yarashweho amasasu menshi

Muri video yafatiwe mu bitaro arwariyemo i Kampala, Jenerali Edward Katumba Wamala yabonetse ashimira Imana ko yamuhaye "andi mahirwe", kandi asabira abantu gusengera uwo yise "mummy" kuko "amerewe nabi".

Gen Wamala wabaye umugaba w'ingabo za Uganda, ubu akaba ari Minisitiri w'imirimo n'ubwikorezi, ku wa kabiri yakomerekeye mu gitero cy'abitwaje intwaro bari kuri moto bagabye ku modoka ye.

Amasasu menshi bamishe ku modoka yishe umukobwa we Brenda Nantongo n'umushoferi we Haruna Kayondo.

Amashusho ya CCTV yatangajwe na polisi agaragaza abakekwa bari kuri moto

Ahavuye isanamu, Uganda Police

Insiguro y'isanamu, Amashusho ya CCTV yatangajwe na polisi agaragaza abakekwa bari kuri moto

Brenda Nantongo w'imyaka 32, ibinyamakuru byo muri Uganda bivuga ko yari aherutse kurangiza amashuri ya kaminuza muri Amerika akagaruka gukorera muri Uganda abisabwe na se.

Muri video ngufi, Gen Wamala agira ati: "Imana yampaye andi mahirwe…Mwigira ubwoba, simfite ibikomere bikomeye, ni ku maboko gusa, nzamera neza...Ndabasabye musengere 'mummy'. Ameze nabi cyane".

Gen Wamala avuga ko isasu rimwe barivanye mu kaboko, naho irindi rikiri mu kaboko kuko ryagize ingaruka ku mitsi. Gusa yongeraho ko ibikomere bidateye ubwoba cyane.

Uyu mujenerali avuga ko nta gitekerezo afite cy'impamvu yo gushaka kumuhitana.

Kuri Twitter, igipolisi cya Uganda cyagaragaje amashusho ya CCTV kivuga ko abantu bagaragara kuri moto yafotowe ari bo bakekwaho kurasa ku modoka ya Minisitiri Wamala.

Skip Ibisomwa cane and continue reading
Ibisomwa cane

End of Ibisomwa cane

Nta bantu barafatwa bashinjwa iki gikorwa, mu gihe hari umuhigo n'iperereza rikomeye mu kubashakisha.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

BBC ntibazwa ibivuye ku zindi mbuga.

Mu butumwa bwinshi yanditse kuri Twitter ku wa gatatu mu gitondo, Gen Wamala yavuze ko ashimira umurinzi we warashe asubiza ababateye kuko "ibintu byari kuba bibi kurushaho".

Ati: "Ndasenga ngo umunsi umwe, abaterabwoba bashatse kunyica bagatwara ubuzima bw'umukobwa wanjye Brenda n'umushoferi Haruna bazagezwe mu bucamanza."

Gusa mu myaka ya vuba ishize abantu benshi barimo abakomeye nk'umudepite, umupolisi mukuru n'umucamanza, bishwe mu buryo nk'ubu i Kampala, ariko iperereza nta cyagaragajwe ryagezeho.