Coronavirus: Dr Tedros avuga ko isi itazayitsinda idashyize hamwe

Inyandiko gusa
Dr Tedros ayobora OMS kuva mu mwaka wa 2017

Ahavuye isanamu, AFP

Insiguro y'isanamu, Dr Tedros ayobora OMS kuva mu mwaka wa 2017

Umuyobozi mukuru w'ishami ry'umuryango w'abibumbye ryita ku buzima (OMS/WHO) yavuze ko "ikibazo kidukomereye cyane kurusha ibindi si virusi ubwayo, ni ibura ryo gushyira hamwe n'ubuyobozi ku rwego rw'isi".

Mu kiganiro cyo mu buryo bwa video, Tedros Adhanom Ghebreyesus yagize ati: "Ntidushobora gutsinda iki cyorezo [cya coronavirus] mu gihe isi idashyize hamwe".

Nubwo Dr Tedros atigeze avuga kuri Perezida Donald Trump w'Amerika by'umwihariko, mu kwezi gushize kwa gatanu Bwana Trump yavuze ko igihugu cye kigiye guhagarika inkunga kigenera OMS.

b
Coronavirus

Amerika ni cyo gihugu gitera inkungu nyinshi cyane OMS kurusha ibindi bihugu - mu mwaka ushize yayihaye inkunga irenga miliyoni 400 z'amadolari.

Bwana Trump yavuze ko OMS yahindutse igikoresho cy'Ubushinwa.

Yagize ati: "Ubushinwa bwigaruriye burundu umuryango mpuzamahanga w'ubuzima".