Amavubi yo guhangana na Ethiopia na Seychelles yahamagawe
Ahavuye isanamu, FERWAFA
Umutoza Mashami Vincent w'ikipe y'u Rwanda y'umupira w'amaguru yatangaje urutonde rw'abakinnyi 25 azatoranyamo abo azifashisha mu mikino y'amajonjora y'igikombe cy'isi cya 2022 n'icya CHAN cya 2020.
Mu mukino ubanza w'amajonjora y'igikombe cy'isi, u Rwanda ruzakina n'ibirwa bya Seychelles ku itariki ya gatanu y'ukwezi gutaha kwa cyenda bakinire muri Seychelles, uwo kwishyura ubere i Kigali ku itariki ya 10 y'uko kwezi.
Mu majonjora ya CHAN2020, tariki 20 z'ukwezi kwa cyenda Amavubi azakina na Ethiopia bakine umukino wo kwishyura tariki 18 z'ukwezi kwa 10.
Mu bakinnyi bahamawe harimo Haruna Niyonzima wahoze ari kapiteni w'Amavubi akaba yari amaze igihe adahamagarwa.
Abanyezamu: Rwabugiri Omar, Kimenyi Yves na Ndayishimiye Eric;
Ba myugariro: Rwatubyaye Abdul, Nirisarike Salomon, Manzi Thierry, Fitina Omborenga, Imanishimwe Emmanuel, Rutanga Eric, Bayisenge Emery na Iradukunda Eric;
Abakina hagati: Butera Andrew, Muhire Kevin, Mukunzi Yannick, Niyonzima Olivier, Bizimana Djihad, Niyonzima Haruna na Iranzi Jean Claude.
Ba rutahizamu: Kagere Meddie, Tuyisenge Jacques, Hakizimana Muhadjiri, Mico Justin, Sugira Ernest, Manishimwe na Sibomana Patrick.
U Rwanda ruheruka kwitabira irushanwa rya CHAN - ry'abakinnyi bakina mu makipe y'imbere mu gihugu - mu mwaka wa 2018 mu Misiri. Ntabwo rurigera rwitabira imikino y'igikombe cy'isi cy'abakuru.
