Perfformiad arbennig o Tawel Nos gan Lily Beau

Dydy hi ddim yn Nadolig heb drefniant arbennig, newydd, o garol boblogaidd yma yn Cymru Fyw.

Lily Beau sy'n perfformio i ni eleni. Roedd hi hefyd yn gyfle i glywed am rai o'i thraddodiadau Nadolig hi a'i theulu.

Dwi'n caru'r Nadolig.

Fi'n cofio dod adre o'r ysgol, rhoi ffilm Nadolig 'mlaen, rhoi coeden Nadolig lan... dwi jest yn cofio glow sbesial. Ac o'dd e wastad yn 'neud i fi deimlo'r hud roedd Mam a Dad wedi ei greu – o'dd e jest mor sbesial.

Bob blwyddyn ar Noswyl Nadolig, mae gennym ni ddiwrnod gêms; darts, gemau bwrdd gwahanol, cwis a ni'n cadw sgôrs. Mae'n gystadleuol iawn – mae fel Olympics tŷ ni. A gweld os fydden ni dal yn siarad dydd Nadolig...!

Diwrnod Dolig, fi gartre o flaen y tân, yn yfed Mimosas peth cynta', Dad yn coginio drwy'r dydd a neb yn cael mynd i'r gegin. Mae Siôn Corn yn gosod y bwrdd, sydd wastad yn treat lyfli.

Joio da'n gilydd, a mae'n siŵr codi'n rili cynnar a chysgu'r rhan fwyaf o'r diwrnod, achos fydda i wedi mynd bach rhy excited!

Mae cerddoriaeth yn hollol hanfodol. Mae 'na playlists yn mynd 'mlaen yn y bore rhwng fi, fy chwaer a Dad gyda'i feinyls. Rhaid cael rhywbeth yn y cefndir, neu fyddai hi ddim yn Nadolig.

Dwi'n canu caneuon Nadolig drwy'r flwyddyn. Dyw e ddim yn ocê ym mis Mehefin i ganu 'Well here it is, Merry Christmas...', ond fi jest yn dwlu arno fe!

Dwi'n caru Fairytale of New York, sydd yn hudol, a River gan Joni Mitchell, sy'n dechnegol ddim yn gân Nadolig, ond mae e ddigon Nadoligaidd i mi. Fi'n caru sengl newydd Aleighcia Scott; mae unrhywbeth mae hi'n ei 'neud yn magic, felly mae hwnna mlaen lot ar y foment.

Ni'n mynd i gyngerdd Al Lewis bob blwyddyn, os gallwn ni gael tocynnau, ond fel arall, ni'n eitha hermit-like – mae'n gyfle reit neis i gloi'r dryse.

Fi'n joio stopio gweithio dros Dolig. Dwi am fod wrth y piano yn gweithio fy albym gynta' i a dwi mor gyffrous, felly siŵr o fod, bydda i'n sgwennu ac yn joio creu.

Mins peis, gwin a phiano – merch lwcus!

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.