Dyna ni am heddiw!

Ymunwch â ni eto am 9am fory ar gyfer y Pwyllgor Cyllid.

Cytunodd yr aelodau i egwyddorion cyffredinol y Mesur Rheoleiddio ac Arolygu Gofal Cymdeithasol.

Mae'r ddogfen hon, dolen allanol yn rhoi crynodeb o'r termau technegol a deddfwriaethol Cymraeg sy'n gysylltiedig â'r Mesur Rheoleiddio ac Arolygu Gofal Cymdeithasol.

Dywed y cyn-weinidog Alun Davies, "Un o'r methiannau sylfaenol yng Nghymru yw'r diwylliant o reoleiddio", gan ychwanegu "mae angen diwylliant sy'n cydnabod methiant ac yn gwneud rhywbeth am y peth."

Mae pedwar cyfnod yn y broses ar gyfer ystyried Mesur Cyhoeddus, sef:

Cyfnod 1 - pwyllgor yn ystyried egwyddorion cyffredinol y Mesur a'r Cynulliad yn cytuno ar yr egwyddorion cyffredinol hynny;

Cyfnod 2 - pwyllgor yn ystyried y Mesur ac unrhyw welliannau a gyflwynwyd i'r Bil hwnnw yn fanwl;

Cyfnod 3 - y Cynulliad yn ystyried y Mesur ac unrhyw welliannau a gyflwynwyd i'r Bil hwnnw yn fanwl;

Cyfnod 4 - pleidlais gan y Cynulliad i basio testun terfynol y Mesur.

Mae'r Mesur yn cynnig cyflwyno newidiadau a fydd yn:

• diwygio'r drefn reoleiddio ar gyfer gwasanaethau gofal a chymorth;

• darparu fframwaith rheoleiddio sy'n ei gwneud yn ofynnol i reoleiddio gwasanaethau gofal a chymorth mewn ffordd sy'n canolbwyntio ar y canlyniadau i ddefnyddwyr gwasanaethau;

• diwygio'r drefn arolygu ar gyfer swyddogaethau gwasanaethau cymdeithasol awdurdodau lleol;

• ad-drefnu Cyngor Gofal Cymru a'i ailenwi'n Gofal Cymdeithasol Cymru, gan ehangu ei gwmpas gwaith; a

• diwygio'r dull o reoleiddio'r gweithlu gofal cymdeithasol.

Mae'r aelodau nawr yn cynnal Dadl ar Egwyddorion Cyffredinol y Mesur Rheoleiddio ac Arolygu Gofal Cymdeithasol (Cymru)

Dywed y cyn Ddirprwy Weinidog dros Wasanaethau Cymdeithasol, Gwenda Thomas, "Am y tro cyntaf, bydd gan ofalwyr yr un hawliau i asesu a chymorth i ddiwallu eu hanghenion fel oedolion a phlant."

Dyma'r ymatebion i'r ymgynghoriad, dolen allanol ar y Rheoliadau Gofal a Chymorth (Cymhwystra) (Cymru) 2015.

Mae'r Rheoliadau hyn yn nodi'r prawf y mae'n rhaid i awdurdod lleol ei gymhwyso i ddyfarnu p'un a oes gan unigolyn y mae ei anghenion wedi eu nodi mewn asesiad o dan adran 19, 21 neu 24 o Ddeddf Gwasanaethau Cymdeithasol a Llesiant (Cymru) 2014 hawlogaeth ai peidio i gael yr anghenion hynny wedi eu diwallu gan awdurdod lleol.

Y gweinidog iechyd sy'n cynnig bod y Cynulliad yn cymeradwyo bod y fersiwn drafft o'r Rheoliadau Gofal a Chymorth (Cymhwystra) (Cymru) 2015 yn cael ei lunio yn unol â'r fersiwn drafft a osodwyd yn y Swyddfa Gyflwyno.

Dywed y gweinidog, "Cadarnhaodd y Gyllideb yr wythnos ddiwethaf faint y toriadau mewn blwyddyn i'n Cyllideb 2015-16. Nid yw'r arian canlyniadol cadarnhaol o £4 miliwn oddi wrth y gyllideb yn gwneud llawer i liniaru effaith y gostyngiadau o £50 miliwn a gyhoeddwyd yn flaenorol gan y Canghellor.

"Roeddwn wedi gobeithio heddiw i fedru cyhoeddi buddsoddiadau newydd, er yn fach, mewn rhaglenni cyfalaf a phrosiectau eraill. Mae'r toriadau i'n cyllideb wedi rhoi'r gorau i hynny."

Dyma Gynnig y Gyllideb Atodol, dolen allanol.

Mae'r aelodau yn symud ymlaen at Ddadl ar y Gyllideb Atodol Gyntaf ar gyfer 2015-2016.

Dywed y Gweinidog Cyllid, Jane Hutt, "am y tro cyntaf mewn rhyw 800 mlynedd, mae'n galluogi Cymru i gymryd y camau cyntaf tuag at roi ar waith drethi sy'n fwy addas ar gyfer amgylchiadau Cymru a dewisiadau Cymreig."

Mae'r Mesur yn darparu ar gyfer:

• sefydlu Awdurdod Cyllid Cymru (ACC). Prif swyddogaeth ACC fydd casglu a rheoli trethi datganoledig

• cyflwyno pwerau a dyletswyddau priodol i ACC (a dyletswyddau a hawliau cyfatebol i drethdalwyr ac eraill) mewn perthynas â chyflwyno ffurflenni treth a chynnal ymchwiliadau ac asesiadau er mwyn galluogi ACC i nodi a chasglu'r swm priodol o dreth ddatganoledig sy'n ddyledus oddi wrth drethdalwyr

• pwerau ymchwilio a gorfodi sifil cynhwysfawr, gan gynnwys pwerau a fydd yn caniatáu i ACC fynnu gweld gwybodaeth a dogfennau ac i gael mynediad i fangreoedd ac eiddo arall a'u harchwilio

• dyletswyddau ar drethdalwyr i dalu cosbau a llog o dan rai amgylchiadau

• hawliau i drethdalwyr ofyn am adolygiadau mewnol o rai o benderfyniadau ACC ac i apelio at Dribiwnlys yr Haen Gyntaf yn erbyn penderfyniadau o'r fath

• cyflwyno pwerau gorfodi troseddol ar ACC.

Yn ôl llywodraeth Cymru, diben y mesur hwn yw rhoi ar waith y fframwaith cyfreithiol angenrheidiol ar gyfer casglu a rheoli trethi datganoledig yng Nghymru.

Erbyn hyn, ceir datganiad gan y Gweinidog Cyllid a Busnes y Llywodraeth: Cyflwyniad i'r Mesur Casglu a Rheoli Trethi.

Jocelyn Davies o Blaid Cymru yn gofyn a yw'r prif weinidog mewn sefyllfa i wybod os oes "amgylchiadau tebyg yn bodoli erbyn hyn unrhyw le arall" yng Nghymru.

Meddai Mr Jones, "na, dydw i ddim yn ymwybodol o hynny a byddem yn disgwyl gyda systemau newydd ar waith na fyddai hyn yn cael ei ailadrodd, ond ni allwn fod yn hunanfodlon, yn amlwg, a dyna pam, wrth gwrs, mae'n rhaid i ni dderbyn argymhellion yr adroddiad ei hun."

Dyma Grynodeb Gweithredol o'r adolygiad, dolen allanol o esgeuluso pobl hŷn sy'n byw mewn cartrefi gofal.