CVs
Mae ‘CV’ yn sefyll am ‘Curriculum Vitae’ (‘hanes
dy fywyd’) ac mae’n rhoi hanes dy yrfa hyd yma yn fyr ar bapur. Mantais CV yw ei fod yn cynnwys yr holl
wybodaeth sylfaenol amdanat sydd ei hangen ar gyflogwr, a hynny ar un ddalen hawdd i’w darllen. Unwaith y byddi di wedi sgrifennu a theipio dy CV,
gelli wneud cynifer o gopïau ag y mynni. Mae hynny’n arbennig o ddefnyddiol os wyt ti am gyflwyno cais
i sawl cwmni gwahanol yr un pryd. Gelli anfon copi o dy CV wrth wneud cais am swydd benodol neu os wyt
ti’n ysgrifennu ‘mewn gobaith’. Pa wybodaeth ddylai fod ar CV? - Manylion personol
– enw, cyfeiriad, cod post, rhif ffôn, cyfeiriad e-bost (os oes gen ti un)
- Addysg
- Cymwysterau
- Sgiliau
a rhinweddau personol
- Hanes a phrofiad o ran cyflogaeth
- Unrhyw sgiliau arbennig e.e. trwydded yrru
- Diddordeb, hobïau a phethau rwyt ti wedi eu cyflawni
- Canolwyr
Oes yna ‘fathau’ gwahanol o CV? Mae CV ‘traddodiadol’ yn
rhestru popeth yn nhrefn dyddiad gan ddechrau gyda dy addysg a’th gymwysterau, yna dy hanes o ran cyflogaeth,
diddordebau ayb. Mae CV ‘proffil personol’ yn dechrau gyda phortread ohonot ti sy’n tynnu sylw at
sgiliau a phrofiad perthnasol i’r swydd. Mae CVs ‘proffil personol’ yn fwy modern a ffasiynol, ond efallai
fod CVs ‘traddodiadol’ yn haws i’r rhai sy’n ymadael â’r ysgol i’w sgrifennu. Awgrymiadau ar gyfer sgrifennu dy CV Ceisiadau ar hap Enghraifft 1 - CV traddodiadol
- Person sy'n ymadael â'r ysgol Enghraifft 2 - CV Proffil Personol - Person ifanc sy'n ceisio swydd Llenwa dy CV dy hun Mae'n syml! Clicia ar y lincs isod, llenwa dy fanylion ac yna arbed y ffeil ar dy gyfrifiadur  Templat CV Traddodiadol (13kb)
Templat CV Proffil Personol(13kb) | 
