Astudio Lefel A a GNVQ

Oed: 17

Coleg neu Brifysgol:
Coleg Gorseinon

Nawr yn astudio:
Lefel AS Astudiaethau'r Cyfryngau a GNVQ Uwch mewn Iechyd a Gofal Cymdeithasol (a adnabyddir hefyd fel Lefel A Alwedigaethol) Mae ganddi eisoes 8 TGAU a GNVQ Canolradd mewn Iechyd a Gofal Cymdeithasol

Nod yrfaol:
Gwneud gradd a chael swydd fel athrawes ysgol gynradd.

Pam:
Fe wnes i fwynhau'r GNVQ Canolradd ac roeddwn i eisiau mynd ymlaen i wneud Lefel A, ond doeddwn i ddim yn meddwl allen i ymdopi. Dyna pam wnes i benderfynu gwneud Lefel A Galwedigaethol. Mae'r rhan fwyaf sy'n gwneud yr un GNVQ â fi, eisiau gwneud gwaith cymdeithasol, nyrsio neu ddysgu. Mae'r gwaith cwrs hefyd yn cyflwyno dull gwahanol o weithio i bobl, yn enwedig os nad ydyn nhw wedi gwneud yn arbennig o dda yn eu harholiadau TGAU. Mae'r gwaith cwrs yn rhoi ail gyfle iddyn nhw brofi'u hunain, oherwydd y gwaith grwp a'r gwaith datrys problemau sy'n rhan ohono, ac mae hynny'n hwb i'r hyder.

Pam cyfuno:
Ar y dechrau, dim ond y GNVQ oedd gen i mewn golwg, ond pan es i i 'Ddiwrnod Agored' y coleg, roedd y cwrs Astudiaethau'r Cyfryngau yn swnio'n ddiddorol, a dyna pryd wnes i benderfynu'i drio fe. Mae'r ddau gwrs yn ategu'i gilydd. Mae'r GNVQ yn gyfystyr â dwy Lefel A ac mae'n gymysgedd o 2/3 Gwaith Cwrs ac 1/3 Arholiad.

Cyngor arall:
Fydden i'n dweud wrth unrhyw un sy'n ystyried cyfuniad fel hyn ei fod e'n waith caled ar adegau, ond mae wedi gweithio i fi. Prif fantais gwneud cyfuniad yw y bydd yr elfen Lefel A/arholiad yn fy mharatoi i ar gyfer y ffordd mae myfyrwyr yn y Brifysgol yn gweithio.