Lleoliadau a Setiau

Fe fu'r gwaith o ddarganfod lleoliadau ar gyfer y ddrama yn dipyn o broblem i'r tîm cynhyrchu. Twr Bryncir ger Dolbenmaen ddefnyddiwyd ar gyfer y golygfeydd allanol, Eglwys Santes Fair yn Nhremadog ar gyfer golygfeydd mewnol yr act gyntaf, a dwy ystafell wahanol yn Ty'r Twr, Y Felinheli ar gyfer y ddwy act olaf.

Cynllunydd y cynhyrchiad oedd John Thompson. Dyma rai sylwadau ganddo:

"Mae'r darn yma'n wahanol iawn i unrhyw gynhyrchiad dwi wedi gweithio arno o'r blaen, a hynny'n syml am mai darn abstract ydi'r ddrama. Er ein bod yn delio ag o yn y ffilm mewn ffordd realistig, mae'n dipyn o ddrama ymenyddol."

Cliciwch ar y llun i weld golygfa o'r lleoliadau

Un o'r rhannau pwysicaf ar set y ddrama yw'r grisiau, yn yr act gyntaf maent yn llydan ac yn theatrig iawn, ac yn culhau a thynhau er mwyn rhoi'r argraff o dwr yng ngweddill y ddrama.

Wyddoch chi?
Mae'r lantern a'r ffrog 1950s yn ymddangos ym mhob act

Mae lliwiau hefyd yn chwarae rhan bwysig yn y ddrama hon, mae'r lliwiau yn dyfnhau ac yn cyfoethogi wrth ddringo'r twr nes creu teimlad clostroffobic ar y llawr uchaf.

Ychydig iawn o brops ddefnyddir yn yr act gyntaf, dim ond chaise a drych. Yn yr ail act, defnyddir lliwiau a chelfi mwy cyfoethog, chesterfields a phatrymau William Morris. Mae'r drydedd act yn debycach i stafell mewn atic gyda'r blerwch sy'n cael ei gasglu mewn bywyd.

.