Ddoe 'roedd hi'n ben-blwydd ar Risolat. Ac nid unrhyw ben-blwydd ychwaith.
Roedd y ferch o Tajikistan yn dathlu ei phen-blwydd yn 18 oed ar y daith
Wedi gwirioni
Mae hi'n ferch fywiog a deallus - yn astudio Chineaeg yn y brifysgol - ac yn aelod o dim pêl-fasged cenedlaethol Tajikistan a Chlwb Trafod Ieuenctid Tajik.
Roedd hi wedi gwirioni gyda'r holl gyfarchion, cardiau ac ati - yn enwedig y cerdyn a gafodd "gan dy fod rŵan yn 18 rwyt ti'n oedolyn ac mi gei fynd i dafarn"!
Gan ei bod yn ben-blwydd arni cymerodd yr awennau a'n harwain am y diwrnod ac ar ôl diwrnod blinedig cafodd olchi ei thraed ym Môr y Gogledd.
Cyflwynwyd cacen ben-blwydd iddi gyda deunaw o ganhwyllau ac 'roedd wrth ei bodd gan nad oedd wedi cael cannwyll ar gacen ers yn ferch fach.
Canu a dawnsio Yna, cafwyd noson hwyr a gwirion o ganu, chwarae pob math o gemau fel pasio'r parsel a dawnsio.
Byddai beirniaid dawnsio Eisteddfod Llangollen wedi bod wrth eu boddau gan inni ddawnsio pob math o ddawnsfeydd gan gynnwys rhai o'r Alban, Sbaen, Y Congo, Portiwgal - a Chymru wrth gwrs!
Gan ei bod yn ben-blwydd arni cymerodd yr awennau a'n harwain am y diwrnod ac ar ôl diwrnod blinedig cafodd olchi ei thraed ym Môr y Gogledd. 
