How they help (fideo Saesneg)
Mae'r wers hon yn edrych ar lwybr gyrfa pêl-droediwr ifanc yn ei arddegau nad oedd yn ddigon da i fod yn bêl-droediwr proffesiynol, a'r trywydd gwahanol y mae wedi'i gymryd ym maes pêl-droed.
Mae'r fideo yn dangos y dylanwad y mae modelau rôl yn eu cael, a'r rheiny sydd wedi'i helpu. Mae'r disgyblion yn cael eu hannog i uniaethu â Gareth ac archwilio'r dylanwadau a'r cymorth sydd ar gael iddynt, ac yna cwblhau Cynllun llwybr gyrfa.
Clip o'r stori
I weld y cynnwys hwn rhaid i chi alluogi Javascript a gosod Flash ar eich cyfrifiadur. Ewch i BBC Webwise (Saesneg) am gyfarwyddiadau.
Canlyniadau dysgu
Erbyn diwedd y wers, bydd POB disgybl wedi dysgu: Bod nifer o ffactorau yn dylanwadu ar benderfyniadau ynglŷn â gyrfaoedd a dewisiadau gydol oes.
Erbyn diwedd y wers, bydd y RHAN FWYAF o'r disgyblion wedi dysgu: Bod nifer o ffactorau yn dylanwadu ar benderfyniadau ynglŷn â gyrfaoedd a dewisiadau gydol oes a bod nifer o bobl sy'n allweddol wrth ffurfio modelau rôl.
Erbyn diwedd y wers, bydd RHAI disgyblion wedi dysgu: I ddadansoddi'n feirniadol y ffactorau a'r bobl sy'n dylanwadu ar ein dewis o yrfaoedd a dewisiadau gydol oes.
Dolenni Cwricwlaidd
Paratoi ar gyfer dysgu gydol oes
- Bod yn uchelgeisiol, yn hyblyg a chroesawu cyfleoedd dysgu.
- Bod yn drefnus a chymryd cyfrifoldeb am eu gweithredoedd a'u penderfyniadau sy'n gysylltiedig â dysgu.
- Deall y cyfloedd perthnasol sydd ar gael iddynt ym maes addysg a hyfforddiant.
Gweithgareddau ar gyfer y wers
Offer sydd ei angen: TGC Rhyngrwyd / taflunydd, Bwrdd gwyn, Taflenni wedi eu hargraffu
Mewnbwn yr athro
Yr athro i gyflwyno amcanion y wers - y dewisiadau a wneir gan unigolion mewn perthynas â llwybrau gyrfa, a'r rôl y mae unigolion yn ei chwarae mewn dylanwadu'r penderfyniadau hynny.
Dechrau'r wers: Allan o'i le
Ysgrifennwch y geiriau canlynol ar y bwrdd gwyn a gofyn i'r disgyblion adnabod pa un sydd allan o'i le. Nid oes ateb cywir, ond mae eu rhesymau yn ddilys mewn sgiliau meddwl.
- Pêl-droediwr proffesiynol
- Gwleidydd
- Doctor
Clip fideo
Y disgyblion i wylio'r fideo.
Dylanwadau ar Gareth
Disgyblion i ddefnyddio Taflen 1 - Dylanwadau pwysig ar Gareth i adnabod y dylanwadau ar benderfyniadau Gareth ynghylch dewis gyrfa.
Adborth
Yr athro i annog adborth gan y disgyblion am y dylanwadau ar Gareth.
Dylanwadau arna' i
Gan ddefnyddio Taflen 2 - Dylanwadau pwysig arna' i, y disgyblion i adnabod y dylanwadau ar eu dewis nhw eu hunain wrth ddewis gyrfa.
Trafod
Y disgyblion i drafod eu canlyniadau gyda phartner a gofyn am eu cyngor wedi iddynt gwblhau eu taflenni.
Cynllun llwybr gyrfa
Y disgyblion i lenwi Taflen 3 - Cynllun llwybr gyrfa, gan adnabod y rhinweddau, sgiliau a thalentau personol sydd ganddynt, a'r cymhwyster maent yn barod i'w gyflawni.
Cyflwyniad i'r dosbarth
Yr athro i ofyn am wirfoddolwyr i gyflwyno eu taflenni dylanwadau a'u cynlluniau gweithredu i'r dosbarth.
Dylanwad modelau rôl
Y dosbarth i drafod:-
- Y dylanwad sydd gan modelau rôl ar eu dyfodol.
- Dylanwad rhieni ac aelodau o'r teulu ar ddewisiadau gyrfa.
- Rôl Cynghorwyr Gyrfa Cymru mewn helpu i ddewis gyrfa.
Trafod syniadau
Yr athro i ddiweddu'r wers drwy gynnal sesiwn i drafod y syniadau sydd wedi'u nodi ar y bwrdd gwyn ynghylch y nifer o ddylanwadau sydd ar unigolion.
Diwedd: Adolygiad
Y disgyblion i ddarllen sylwadau sydd wedi'u postio ar y wefan ac i ysgrifennu sylw am y stori.
Sylwadau ysgrifenedig
Gall athrawon ddefnyddio Taflen 4 - Taflen sylwadau i gasglu sylwadau ysgrifenedig gan y myfyrwyr.
Eiconau
Sgiliau allweddol a Sgiliau dysgu:
- Cyfathrebu
- Cymhwyso rhif
- TGC
- Datrys problemau
- Gweithio gydag eraill
- Gwella eich perfformiad eich hun
- Meddwl yn feirniadol
- Meddwl yn greadigol
- Archwilio ystyr
- Myfyrio
- Sgiliau ymchwilio
- Sgiliau cyflwyno
Strategaethau Asesu ar gyfer Dysgu (AfL):
- Rhannu amcanion dysgu
- Defnyddio cwestiynau
- Adborth effeithiol
- Modelu
- Hunanasesu disgybl
- Asesu gan gyfoedion
- Asesu parhaus
- Addasu addysgu/ adolygu
- Cyfarfod Llawn
