ကိုရိုနာ ဗိုင်းရပ်စ် သတင်းများ တင်ဆက်မှု - ဧပြီ ၇ ရက်

တိုက်ရိုက် ထုတ်လွှင့်ချက်

1. ၇ ဧပြီ ၂၀၂၀ဒီကနေ့ အတွက် တိုက်ရိုက် တင်ဆက်မှု တွေကို ရပ်နားခွင့်ပြုပါ။

   ဒီကနေ့ ဘီဘီစီ မြန်မာပိုင်းက တင်ဆက်တဲ့ကိုရိုနာ ဗိုင်းရပ်စ် နဲ့ ပတ်သက်တဲ့ သတင်းတွေ တိုက်ရိုက် တင်ဆက် နေမှုကို ဒီမှာပဲ ရပ်နားခွင့်ပြုပါ။

   လာရောက် ဖတ်ရှုကြတဲ့ ဘီဘီစီ ပရိသတ်တွေ အားလုံးကို ကျေးဇူး တင်ပါတယ်။

2. ၇ ဧပြီ ၂၀၂၀ကိုဗစ်-၁၉ကြောင့်ရင်းနှီးမြှုပ်နှံမှုကျဆင်းနိုင်တာကြိုပြင်ထားဖို့သမ္မတပြော

   ကိုရိုနာဗိုင်းရပ်စ်ကူးစက်မှုကြောင့် ကမ္ဘာ့စီးပွားရေးအပေါ်ရိုက်ခတ်မှုတွေနဲ့အတူ မြန်မာနိုင်ငံမှာ လုပ်ကိုင်နေတဲ့ ပြည်တွင်း၊ပြည်ပရင်းနှီးမြှုပ်နှံမှုတွေလည်း ကျဆင်းနိုင်တဲ့ အခြေအနေကို ကြိုသုံးသပ်ထားဖို့ သမ္မတဦးဝင်းမြင့်က ပြောပါတယ်။

   နေပြည်တော် နိုင်ငံတော်သမ္မတအိမ်တော်မှာ ဒီကနေ့ ပြုလုပ်တဲ့ ဘဏ္ဍာရေးကော်မရှင် အစည်းအဝေးမှာ သမ္မတဦးဝင်းမြင့်က ပြောတာဖြစ်ပါတယ်။

3. ၇ ဧပြီ ၂၀၂၀ကိုရိုနာကြောင့် ဖြစ်တဲ့ လူမှုရေး ပြဿနာတွေ

4. ၇ ဧပြီ ၂၀၂၀ယူကေ ကူးစက်ခံရခြေမြင့်ထဲစာရင်းထဲမှာ လူများစွာကျန်ခဲ့

   ယူကေမှာ ကိုရိုနာဗိုင်းရပ်စ်ကူးစက်ခံရနိုင်ခြေမြင့်တယ်လို့ အစိုးရက သတ်မှတ်တဲ့ အချက်တွေနဲ့ ကိုက်ညီပေမဲ့ ထည့်သွင်းမခံရဘဲ ဒီစာရင်းထဲမပါသူတွေ ထောင်ချီကျန်ခဲ့ပါတယ်။

   အဲဒီလိုကျန်ခဲ့သူတွေထဲမှာ ကိုယ်တွင်းအင်္ဂါအစားထိုးလဲလှယ်ထားသူတွေ၊ ပန်းနာရောဂါနဲ့ အဖြစ်နည်းတဲ့ အဆုတ်ရောဂါ ခံစားနေရသူတွေ ပါပါတယ်။

   စူပါမားကတ်တွေမှာ ဝယ်ယူတဲ့အခါ ဒီလို ထိခိုက်ခံရခြေမြင့်သူတွေကို ဦးစားပေးဖို့ အဲဒီစာရင်းကိုသုံးတာဖြစ်လို့ စာရင်းထဲမပါသူတွေက ဒီလို အခွင့်အရေးကို ဆုံးရှုံးကြမှာ ဖြစ်ပါတယ်။

5. ၇ ဧပြီ ၂၀၂၀အီတလီ စီးပွားရေး ယူရိုဘီလျံ ၄၀၀ အစိုးရ ကူညီမယ်

   ကိုရိုနာဗိုင်းရပ်စ်ကူးစက်မှုကြောင့် အခက်တွေ့နေတဲ့ စီးပွားရေးလုပ်ငန်းတွေကို ယူရိုဘီလျံ ၄၀၀ ကူညီမယ့် အစီအစဥ်ကို ဝန်ကြီးချုပ် ဂျိုဇက်ပေ ကွန်တေက တနင်္လာနေ့က ထုတ်ပြောလိုက်ပါတယ်။

   အီတလီဟာ ကိုရိုနာဗိုင်းရပ်စ်ကူးစက်ခံရမှုကြောင့် လူသေဆုံးမှု အများဆုံးနိုင်ငံဖြစ်ပြီး သေဆုံးသူ စုစုပေါင်း ၁၆,၅၂၃ရှိပါတယ်။

6. ၇ ဧပြီ ၂၀၂၀မြန်မာမှာ ကိုရိုနာဗိုင်းရပ်စ် စစ်ဆေးမှုတွေ ပိုတိုးလုပ်မယ်

   မြန်မာနိုင်ငံမှာ ကိုဗစ်-၁၉ဓာတ်ခွဲစမ်းသပ်မှုတွေကို အခုရက်ပိုင်းကစပြီးအရေအတွက် ပိုတိုးလုပ်တော့မယ်လို့ ကျန်းမာရေးဝန်ကြီးက ပြောပါတယ်။

   ဒါ့အပြင် အဖြေပိုမြန်မြန်သိနိုင်မယ့် Rapid Diagnostic Test Kit တွေသုံးဖို့ လုပ်ငန်းလမ်းညွှန်တွေ စံလုပ်ထုံးတွေကိုလည်း ထုတ်ပြန်မယ်လို့ဝန်ကြီးက ပြောပါတယ်။

   ကျန်းမာရေးဝန်ထမ်းတွေနဲ့ ဒီကနေ့ ဗီဒီယိုကွန်ဖရင့်လုပ်ရာမှာ ဝန်ကြီးကပြောခဲ့တာပါ။

   ပြီးခဲ့တဲ့ရက်ပိုင်းက ကိုရိုနာဗိုင်းရပ်စ်ပိုးရှိမရှိ ၂၄ နာရီအတွင်း လူ ၁,၃၀၀ ကျော်ကို စစ်နိုင်တဲ့ စက်တစ်လုံးနဲ့ ဆေးပစ္စည်းတွေကို AA Medical ကုမ္ပဏီက လှူဒါန်းထားပြီး လေကြောင်းကနေ သယ်ဆောင်လာနေပြီလို့မီဒီယာတချို့မှာ ဖော်ပြထားပါတယ်။

7. ၇ ဧပြီ ၂၀၂၀သတင်းထူး, , ကိုရိုနာဗိုင်းရပ်စ် ကူးစက်သူအသစ်မတွေ့

   အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်)က ဧပြီ ၇ ရက် ဓာတ်ခွဲ အဖြေတွေအရ မြန်မာနိုင်ငံက စောင့်ကြည့်လူနာနဲ့ ဆေးရုံတွေမှာ အသွားအလာ ကန့်သတ် စောင့်ကြည့်နေသူ ၃၂ ဦးလုံးမှာ ကိုဗစ်-၁၉ရောဂါပိုးမတွေ့ရဘူးလို့ ကျန်းမာရေးနဲ့ အားကစားဝန်ကြီးဌာနက ကြေညာပါတယ်။

   မြန်မာနိုင်ငံမှာ အခုထိ ကိုရိုနာဗိုင်းရပ်စ်ကူးစက်ခံရသူ ၂၂ ဦး ရှိပြီး သေဆုံးသူ တစ်ဦးရှိပါတယ်။

8. ၇ ဧပြီ ၂၀၂၀သီးခြားထားခံရပြီး ပြန်ထွက်လာသူတွေကို ဒေါ်အောင်ဆန်းစုကြည် သတိပေး

   “Quarantine ကထွက်လာသူတွေ၊ ရောဂါကာကွယ်ရေးအတွက် ထုတ်ပြန်ထားတဲ့ စည်းမျဉ်း၊ စည်းကမ်းနဲ့ ညွှန်ကြားချက်တွေကို မလိုက်နာရင် ရောဂါဖြစ်ဖို့ အန္တရာယ်ကြီးတယ်ဆိုတာ မမေ့ကြပါနဲ့။”

9. ၇ ဧပြီ ၂၀၂၀ယူကေဝန်ကြီးချုပ် အခြေအနေတည်ငြိမ်

   ယူကေဝန်ကြီးချုပ် ဘောရစ်ဂျွန်ဆင် ကိုရိုနာဗိုင်းရပ်စ်ကူးစက်ခံရပြီး ၁၀ ရက်ကျော်အကြာ တနင်္ဂနွေနေ့မှာ ဆေးရုံတက်ခဲ့ရတာကနေ နောက်တစ်နေ့မှာ အထူးကြီးကြပ်ကုသခန်းကို ရွှေ့ခဲ့ရပြီး အခု အထူးကြပ်မတ်ကုသခန်းမှာပဲ ဆက်လက်ကုသခံနေရပါတယ်။

   ညတုန်းက သူ့ရဲ့ ကျန်းမာရေး အခြေအနေ တည်ငြိမ်နေခဲ့တယ်လို့ အစိုးရ ပြောခွင့်ရသူက ပြောပါတယ်။

   အသက်၅၅ နှစ်ရှိပြီဖြစ်တဲ့ ဘောရစ်ဂျွန်ဆင်ကို အောက်ဆီဂျင်ပေးထားရပေမယ့် အသက်ရှုစက်ပေါ်တင်ထားရတဲ့ အခြေအနေမဟုတ်ဘူးလို့ဆိုပါတယ်။

10. ၇ ဧပြီ ၂၀၂၀ကိုရိုနာဗိုင်းရပ်စ် ဘယ်လိုစစ်သလဲ

11. ၇ ဧပြီ ၂၀၂၀ကိုဗစ်-၁၉ ကာကွယ်ရေး ပိုးသတ်ခန်း မြန်မာကျောင်းသားတွေစုပေါင်းတီထွင်

12. ၇ ဧပြီ ၂၀၂၀ကိုရိုနာဗိုင်းရပ်စ် သတင်းများ တိုက်ရိုက်တင်ဆင်မှု စတင်ပါပြီ။

    မင်္ဂလာပါ။ ကိုဗစ်-၁၉ သတင်းတွေ တိုက်ရိုက်တင်ဆက်မှု စတင်ပါပြီ။

    • မန္တလေးတိုင်း အစိုးရက ထုတ်ပြန်ထားတဲ့ ခရီးသွားလာမှု ကန့်သတ်ချက် ဒီကနေ့ ဧပြီ ၇ ရက်ကနေ စတင်ပါပြီ။ ဧပြီ ၂၁ ရက်အထိ ခရီးသည်ပို့ဆောင်ရေးကို ရပ်ထားမှာဖြစ်ပြီး စားသောက်ကုန်နဲ့ဆေးဝါး မပြတ်လပ်ဖို့ ကုန်စည်ပို့ဆောင်ရေးကိုတော့ ခွင့်ပြုထားမှာ ဖြစ်ပါတယ်။
    • ဗီယက်နမ်နိုင်ငံမှာ ပြုလုပ်ထားတဲ့ ပိုးသတ်ခန်း (disinfection chamber) ကိုအတုယူပြီး ရန်ကုန်၊ မန္တလေးနဲ့ လွိုင်ကော်က နည်းပညာကျောင်းသားတွေ၊ ကွန်ပျူတာ ကျောင်းသားတွေစုပေါင်း တီထွင်ထားတဲ့ ပိုးသတ်ခန်းကို မြောက်ဥက္ကလာပဆေးရုံကြီးမှာ အသုံးပြုဖို့ လှူဒါန်းခဲ့ပါတယ်။ လူအဝင်အထွက် ကို လက်နဲ့ကိုင်ပါက ပိုးပြန်လည်ဖြန့်ဖြူးတာမျိုးမဖြစ်ရအောင် အဝင်အထွက်ကို ခြေထောက်နဲ့နင်းပြီး ဖွင့်ဝင် လို့ရမယ့် ပုံစံကိုသုံးထားတယ်လို့တီထွင်သူတွေကပြောပါတယ်။
    • တရုတ်မှာတော့ ကိုရိုနာဗိုင်းရပ်စ် ကူးစက်မှုကြောင့် ၂၄ နာရီအတွင်း သေဆုံးသူမရှိတဲ့ ပထမဆုံးနေ့ စရောက်လာပါပြီ။