လောက်ကိုင်မှာ အများပြည်သူရှေ့ တရားစီရင်

ကိုးကန့်ဒေသ လောက်ကိုင်မြို့မှာ ကိုးကန့် တပ်မတော် (MNDAA)က အရာရှိတွေ အပါ အဝင် ပြည်သူ ၁၀ ဦးကို လောက်ကိုင်မြို့က ပြည်သူတွေရှေ့မှာပဲ အပြစ်ပေးခဲ့ရာမှာ အဲဒီထဲက ၃ ဦးကို သေဒဏ်ချမှတ်ခဲ့တယ်လို့ ကိုးကန့်တပ်က ဗီဒီယိုနဲ့တကွ တရားဝင် ထုတ်ပြန်လာပါတယ်။ ၁၀ ဦးထဲက ၃ ဦးက သေဒဏ်ချမှတ်ခံခဲ့ရပြီး ကျန် ၇ ဦးကိုလည်း ပြစ်ဒဏ်ကျခံဖို့ ထောင်ကို ပို့ဆောင်ခဲ့တယ် လို့ လည်း ဖော်ပြထားပါတယ်။ ဒီအခြေအနေတွေ အကြောင်းစုံကို မရွှေပိုးနီ က ပြောပြပေးမှာပါ။