အဘူဒါဘီ ဆွေးနွေးပွဲကို 'စစ်ပွဲ အဆုံးသတ်မယ့် ခြေလှမ်း'လို့ ဇလန်းစကီးက ပြောကြား

ဒီနေ့ အဘူဒါဘီမြို့မှာ အမေရိကန်၊ ယူကရိန်းနဲ့ ရုရှားက ညှိနှိုင်းရေးမှူးတွေ တွေ့ဆုံဖို့ ရှိပြီး အမေရိကန်က ဦးဆောင်မှာပါ။ တွေ့ဆုံမှု မတိုင်ခင် ဒီဆွေးနွေးပွဲဟာ 'စစ်ပွဲ အဆုံးသတ်မယ့် ခြေလှမ်း'လို့ ယူကရိန်းသမ္မတ ဇလန်းစကီးက ရည်ညွှန်း ပြောကြားလိုက်ပါတယ်။ ပြီးခဲ့တဲ့ ၄ နှစ်လောက်က ရုရှားက ယူကရိန်းကို ကျူးကျော်စစ်စပြီး နောက်ပိုင်း ဒါဟာ ၃ နိုင်ငံ ပထမဆုံးတွေ့ဆုံမှု ဖြစ်ပါတယ်။ မနေ့က အမေရိကန် ကိုယ်စားလှယ်အဖွဲ့နဲ့ ရုရှားအစိုးရကြား ၄ နာရီနီးပါး ဆွေးနွေးအပြီး ယူကရိန်း၊ ရုရှား၊ အမေရိကန် တွေ့ဖို့ ပေါ်ပေါက်လာတာ ဖြစ်ပါတယ်။ ဒီတော့ ယူကရိန်းအရေးနဲ့ ပတ်သက်လို့ ရုရှားသဘောထား အမြင် ဘယ်လိုရှိပါသလဲ။ မော်စကိုအခြေစိုက် ရုရှားဆိုင်ရာ ဘီဘီစီသတင်းအယ်ဒီတာ စတိဗ်ရိုဇန်ဘာ့ဂ်ရဲ့ သတင်းပေးပို့ချက်ကို အခြေခံပြီး ကိုဝေဖြိုးက ပြောပြပေးမှာပါ။