Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddaraf
Bore Cothi - Priodas ddiamwnt
canlyn - courting
lle cwrddoch chi? - Where did you meet?
gweddïo - to pray
mo'yn - eisiau
llythyron caru - love letters
sugno - to draw in
geirfa - vocabulary
gwylanod - seagulls
y gyfrinach - the secret
sawl gwaith - several times
"...Clip o Bore Cothi, rhaglen y gantores Shan Cothi, a'r wythnos hon mi gafodd Shan sgwrs efo dau oedd yn dathlu penblwydd priodas arbennig iawn. Eleni mae Wally a Gwen Henry yn dathlu eu priodas ddiamwnt ac mi gaethon ni glywed yn ystod y sgwrs sut, a lle cwrddon nhw gynta. Ac mi roedd y sgwrs fach hyfryd hon yn rhoi darlun i ni o fywyd Shir Gâr yn y cyfnod pa oedd Wally a Gwen yn canlyn. Dyma i chi flas ar y sgwrs..."
Dylan Jones - Ffermwyr Ifanc
sied gneifio - shearing shed
her fawr - a big challenge
yr oerfel - the cold
gweithgareddau - activities
digartrefedd - homelessness
cymuned wledig - rural community
anrhydedd - honour
braint eithriadol - a huge priviledge
llysgennad - ambassador
hir hoedlog - long life
...a dyna ni wedi cael cip bach ar fywyd rhamantus Wally a Gwen. Gobeithio y bydden nhw'n dathlu mewn steil ynde? Fuoch chi yn y Sioe Frenhinol yn Llanelwedd erioed? Os nad, falle basech chi'n synnu faint o bobl ifanc sy'n mynd yna. Wrth gwrs mae'r mudiad Ffermwyr Ifanc yn gyfrifol am hynny i raddau, ac mae'n wir mai mynd yno i fwynhau eu hunain mae'r rhan fwya o bobl ifanc. Ond ar raglen Dylan Jones ddydd Mawrth mi glywon sut y mae rhai o'r ffermwyr ifanc yn mynd i gael bywyd go galed yn ystod y Sioe eleni...
Dylan Jones - Prawf gyrru
hyfforddi - to train
yn weddol rhwydd - fairly easily
lluchio - to throw
canmol - to praise
helynt - trouble
cefndir - background
y fyddin - the army
hanner canrif - half a century
darfod - gorffen
ddim o angenrheidrwydd - not necessarily
Lowri Fflur yn fan'na yn sôn am rai o ddigwyddiadau'r Sioe Frenhinol eleni. Dan ni'n mynd i aros efo rhaglen Dylan Jones rwan, ond yn mynd o fyd ffermio i fyd dysgu gyrru. Faint ohonoch chi basiodd eich prawf gyrru'r tro cynta? Wel, falle basech chi wedi llwyddo tasai ganddoch chi rhywun fel Alan Hughes i'ch dysgu. Mae Alan wedi bod yn rhoi gwersi gyrru ers pumdeg o flynyddoedd ac mi gafodd Dylan Jones glywed ychydig o'i hanes ddydd Mercher diwetha...
Bore Cothi - Margaret Huws
gwasanaeth - service
wyr a wyres - grandson and granddaughter
cychwyn - dechrau
tusw o flodau - bouquet of flowers
llawenhau - to rejoice
wrth ei fodd - delighted
llanw lan - filling up
yr annwyl wr - my dear husband
haeddu - to deserve
arno fo mae'r bai - it's his fault
Dylan Jones yn fan'na yn sgwrsio efo Alan Hughes am wersi dreifio. Dan ni eisoes wedi clywed clip o Bore Cothi, a dan ni mynd i gael clywed un arall rwan, a hynny achos bod Shan Cothi'n cael cymaint o bobl ddiddorol ar ei rhaglen. Dan ni'n mynd i gael clwyed clip bach o sgwrs gafodd Shan ddydd Mercher efo Margaret Huws sy’n fam i ddeg o blant ac yn nain, neu'n fam-gu, i ddau ddeg saith, ia dyna ddwedes i - dau ddeg saith...
C2 - Y Ffug
dylanwadu - to influence
cyfoes - modern
bodoli - to exist
cyson - consistent
awyrgylch - atmosphere
ystod - range
amrywio - to vary
llwyfan - stage
dwlu ar - hoffi yn fawr
yn eithriadol - extemely
Wel, dw i'n siwr bod Margaret wedi cael digon o gardiau ac anrhegion ar Sul Y Mamau! Dan ni'n mynd i fyd hollol wahanol rwan ac at un o raglenni C2. Lisa Gwilym fuodd yn sgwrio efo Billy a Iolo o fand Y Ffug - un o fandiau newydd y Sîn Roc Gymraeg. Pa fiwsig sy wedi dylanwadu arnyn nhw tybed?
Dylan Jones - Arwyn Evans
cenedlaeth - generation
ar fin - about to
caredig - generous
gweiddi - to shout
yn chwith iawn - very strange
atgofion melys - fond memories
cynrychioli - to represent
pan on i'n iau - when I was younger
diwedd cyfnod - end of a period
Dan ni wedi cael pob cenhedlaeth ar y podlediad yr wythnos yma yndo? O Wally a Gwen yn dathlu eu priodas ddeiamwnt, i aelodau o'r band Ffug yn fan'na yn siarad efo Lisa Gwilym. Ac mi gawn ni glywed sawl cenhedlaeth eto yn siarad yng nghlip ola heddiw 'ma. Llyr Edwards fuodd yn holi Arwyn Evans ar ran rhaglen Dylan Jones. Mae Arwyn yn ymddeol eleni ar ôl gyrru bws ysgol am flynyddoedd maith. Mae Llyr hefyd yn cael gair efo wyr Arwyn, Elfyn, a llawer iawn o bobl ardal Dinas Mawddwy sy wedi teithio ar y bws efo Arwyn dros y blynyddoedd...
