Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddarafBore Cothi - Aled Richards
ystadegau! Maen nhw i'w cael ymhob man yntydyn nhw? Fedwch chi ddim edrych ar gêm bêl-droed at y teledu y dyddiau yma, heb gael llwyth o ystadegau am berfformiad y timau a'r chwaraewyr. Ac wedyn mae gynnon ni bolau piniwn, ystadegau am y tywydd, ac am yr economi i'w clywed ar y newyddion bob nos. Ond faint fedran ni ddibynnu ar yr ystadegau hyn. Dyna ofynnodd Shân Cothi i'r mathemategydd Aled Richards ddydd Llun...
ystadegau - statistics
astudiaethau - studies
buddianau - benefits
anelwig - vague
annibynnol - independent
meddyginiaethau - medicines
sgil effeithiau - side effects
canran - percentage
cyfryngau - media
tebygolrwydd - probability
Dylan Jones - Gorsaf Corwen
Y mathamategydd Aled Richards yn fan'na yn cael sgwrs am ystadegau efo Shân Cothi, ar Bore Cothi wrth gwrs! Dan ni wedi clywed sawl sgwrs ar y podlediad yn y gorffennol am reilffyrdd, yn aml iawn pobl yn cofio hen reilffyedd cyn i Dr Beeching eu cau yn y chwedegau. Ond heddiw stori am reilffordd newydd yn agor sy ganddon ni. Cafodd y rheilffordd rhwng LLangollen a Chorwen ei hagor yr wythnos diwetha - pedwardeg naw o flynyddoedd ers i'r syniad cael ei drafod am y tro cynta. Cafodd Dylan Jones sgwrs efo Ben Price o ardal Corwen ar y diwrnod cyrhaeddodd y trên cyntaf orsaf Corwen...
cronfa - fund
gwirfoddolwyr - volunteers
tyst i'r ymdrechion - witness to the efforts
gwireddu breuddwyd - to fulfil a dream
cyrraedd y nod - reach the target
mwyafrif - majority
yn ddibaid - without stopping
cynhyrfus - excited
tacluso - to tidy
Dylan Jones - Dan y Wenallt
Dw i'n siwr bod pobol ardal Corwen yn falch iawn o wirfoddolwyr fel Ben Price, sydd wedi gwireddu'r freuddwyd o ailagor y rheilffordd rhwng Corwen a Llangollen. Ben yn siarad wrth gwrs efo Dylan Jones. mae yna lawer iawn o sôn am Dylan Thomas eleni yndoes, gan ei bod yn ganmlynedd ers geni'r bardd o Abertawe. Flynyddoedd yn ôl mi sgwennodd T. James Jones addasiad Cymraeg o'r ddrama 'Under Milk Wood' o'r enw Dan y Wenallt. Eleni mae o wedi dod ag addasiad newydd allan ac mi gafodd hon ei chlywed ar Radio Cymru ddydd Llun diwetha. T. James Jones oedd y 'Llais ' yn y ddrama ac actorion Pobol y Cwm oedd gweddill y cast. Gwrandewch rwan ar T. James Jones yn rhoi ychydig o hanes ei addasiad i Dylan Jones...
addasiad newydd a new adaptationanrhydedd - an honour
gwendidau - weaknesses
delweddau - images
cyfiawnder - justice
arwyddocaol - significant
cachgi - coward
trawiadol - striking
tafodiaith - dialect
trosi - to translate
Beti a'i Phobol - Huw Evans
Roedd addasiad T James Jones o 'Under Milk Wood' yn fan'na yn swnio'n arbennig iawn yndoedd? Dan ni'n mynd i orffen y podlediad hwn efo'r cerddor a’r darlledwr Huw Evans. Fo oedd gwestai Beti George ar Beti a'i Phobol, a dan ni'n mynd i gylwed rhan o'r sgwrs lle mae'r ddau yn trafod y Gymraeg...
Cerddor a darlledwr - Musician and broadcasterrhyfedd - strange
yn wallgof - beserk
ieithoedd lleiafrifol - minority languages
trafod - discussing
estron - foreign
chwythu - to blow
cerddoriaeth - music
hir oes - long life
Gwrandewch ar y rhifyn diweddaraf