Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddaraf
WLPAN - 40 oed
dwys - intensive
arbrawf - experiment
pa hyd? - what length (of time)
cysgod - shadow
cyflawni - to accomplish
ta waeth - whatever
sgerbwd - a skeleton
yn frwd - enthusiastic
o blaid - in favour of
yn wirfoddol - voluntarily
...mae cyrsiau WLPAN yn bedwardeg oed eleni, ac mewn rhaglen arbennig mi fuodd Radio Cymru yn cofio'r cyrsiau Wlpan cyntaf yn Llanbedr Pont Steffan, neu Llambed, ym Mil Naw Saith Pump. Fel y cawn ni glywed yn y clip yma roedd Chris Rees yn ffigwr pwysig iawn yn natblygiad cyrsiau WLPAN, cyriau dwys iawn. Cafodd Chris ei fagu yn Abertawe a Saeneg oedd iaith y cartref ond mi ddysgodd Cymraeg ei hun pan oedd yn fachgen ifanc. Dyma Gwilym Roberts, un o tiwtoriaid gwreiddiol yr WLPAN yn sôn am y cwrs haf cyntaf gafodd ei gynnal yn Llambed...
WLPAN - Chris Jones
profiad - experience
dishgwl (disgwyl) - expecting
yr eirfa - the vocabulary
holi - to ask
ail-adrodd - repetition
yn dawel - quietly
cwrdd - cyfarfod
ffili - methu
Gwyddeleg - Irish language
Gwilym Roberts, un o diwtoriaid gwreiddiol y cwrs Wlpan yn fan'na yn sôn am y cyrsiau cynta gafodd eu cynnal. Roedd y cyrsiau yma'n wahanol iawn i'r cyrsiau Cymraeg eraill oedd ar gael yn y saithdegau, ond sut brofiad oedd y cyrsiau hyn i'r dysgwyr? Roedd Chris Jones yn un o ddeuddeg aeth ar y cwrs dwys Cymraeg cyntaf yng Nghaerdydd, cyn symud ymlaen i weithio i’r Mudiad Ysgolion Meithrin. Buodd hi yn dysgu'r cwrs Wlpan fel tiwtor hefyd a dyma oedd ganddi hi i’w ddweud am y cwrs cyntaf hwnnw...
Post Cyntaf - Takeshi Koike
buddugoliaeth anhygoel - incredible victory
ond yn hytrach - but rather
cwympo mewn cariad - to fall in love
Prifysgol - University
myfyrwyr - students
acw - over there
llenyddiaeth - literature
Chris Jones yn fan'na yn rhoi blas i ni ar y cyrsiau Wlpan cynnar. Fedrwn ni ddim peidio â sôn am Gwpan Rygbi’r Byd yn y podlediad yma na fedrwn? Ond dan ni ddim yn mynd i sôn am fuddugoliaeth anhygoel Cymru yn erbyn Lloegr, ond yn hytrach y fuddogoliaeth anhygoel arall yn y gystadleuaeth hyd yn hyn - Japan yn curo De Affrica. Stori fawr ynde, ond fasai Radio Cymru yn medru dod i hyd i rywun o Japan oedd yn gallu siarad Cymraeg? Wrth gwrs, dim problem! Dyma i chi Dylan Jones yn sgwrsio gyda Takeshi Koike, sydd wedi dysgu Cymraeg ar un o gyrsiau Wlpan Chris Rees yn Llambed ac sy’n byw nawr yng Ngogledd Tokyo...
Shorts Huw - Cwpan Rygbi’r Byd
rhyngwladol - international
paratoad - preparation
pwy a ŵyr - who knows
whare - chwarae
maswr - outside half
of(a)n - afraid
tu fas - outside
tu cefn - amongst the backs
Da ynde - chwedeg o bobl yn dysgu Cymraeg yn nosbarth Takeshi Koike yn Tokyo. Ac yn ôl Takeshi mae'r Gymraeg yn haws na'r Saesneg i'w dysgu! Dach chi'n cytuno efo hynny? Dan ni'n mynd i aros efo Cwpan Rygbi’r Byd am yr eitem ola yma. Clive Rowlands oedd rheolwr tîm Cymru yng nghystadleuaeth gyntaf Cwpan Rygbi’r Byd ym Mil Naw Wyth Saith, yn Seland Newydd ac Awstralia. Dyma i chi ran o sgwrs gafodd Clive gyda Huw Llywelyn Davies lle mae'n nhw'n siarad am y gwahaniaeth rhwng timau rygbi rhyngwladol yr adeg hynny a rhai'r dyddiau hyn...
