Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Beth yw podlediad?
Gwrandewch ar y rhifyn diweddaraf
Shan Cothi - Tro trwstan ar lwyfan
cantores - singer (female)
damweiniau - accidents
cantorion - singers
cerddorion - musicians
gwaethaf - worst
llwyfan - stage
cofiadwy - memorable
cyfeilio - to accompany (with music)
rhacs - in pieces
...mae Shan Cothi yn gantores enwog sydd wedi perfformio yng Nghanolfan y Mileniwm, y West End a'r Royal Albert Hall. Ond, does ots pa mor broffesiynol dach chi, mae damweiniau'n digwydd! Cafodd Shan sgwrs gyda'r cantorion a'r cerddorion Rhian Williams, Geraint Cynan, Leah Marian ac Alun Rhys Jenkins ddydd Gwener a gofynnodd Shan y cwestiwn ‘Be' ydy’r peth gwaethaf i ddigwydd i chi ar y llwyfan?’...
Nia Roberts - Tywysoges Lilian
cyflwyno - to present
diddordeb - interest
tywysoges - princess
arddegau - teens
dawnswraig - dancer (female)
cyfrinachol - in secret
magwraeth - upbringing
anfodlon - unsatisfied
cymysgu - to mix
llysgenhadaeth - embassy
Roedd John Hardy yn cyflwyno yn lle Nia wythnos yma. Dydd Llun cafodd John sgwrs â Glenys Lloyd. Mae gan Glenys ddiddordeb mawr ym mywyd Tywysoges Lilian o Sweden ac mae hi'n 'sgwennu llyfr amdani. Pam yn y byd mae gan Glenys ddiddordeb yn Nhywysoges Lilian? Wel, am ei bod hi'n dwad o Abertawe yn wreiddiol. Dyma Glenys gyda mwy o'r hanes.
Daf a Caryl - Euros Lynn
cyfarwyddwr - director
saethu - to shoot
ar leoliad - on location
cyfarwyddyd - direction
manion - bits
llond llaw - handful
cambihafio - misbehave
manylion - details
cymharu - to compare
cydweithrediad - co-operation
Dw i'n gobeithio y bydd fy nghoesau i fel rhai Lilian pan fydda i'n 92 oed! Ac o fywyd 'glam' y dywysoges Lilian i fywyd caled cyfarwyddwr teledu yr awn ni nesa'. Dach chi wedi bod yn gwylio 'Broadchurch' ar ITV yn ddoweddar? Y cyfarwyddwr Euros Lynn oedd gwestai Dan a Caryl ddydd Llun. Euros Lynn ydy cyfarwyddwr 'Broadchurch' ac mae o hefyd wedi cyfarwyddo 'Last Tango in Halifax', 'Upstairs Downstairs', ''Sherlock', 'Doctor Who' a 'Torchwood'! Dyma Euros yn siarad am ei waith.
Stiwdio - Ann Catrin
cerflunydd - sculptor
ffodus - fortunate
anafiadau - injuries
difrifol - serious
esgyrn - bones
morthwylo - hammering
llawdriniaeth - operation
ymestyn - to stretch
di-baid - continual
triniaethau - treatments
Pedair blynedd yn ôl cafodd y cerflunydd Ann Catrin ddamwain car pan roedd hi'n teithio gyda'i mab Jo. Yn ffodus iawn, roedd Jo yn iawn ond mi gafodd Ann Catrin anafiadau difrifol. Yn y rhaglen yma cawn glywed Ann Catrin yn mynd i'r ysbyty yn Lerpwl i gael ffisiotherapi.
