Podlediadau BBC Radio Cymru
Categorïau: Newyddion
|14:15, Dydd Mawrth, 16 Hydref 2012
Mae Radio Cymru nawr yn cynnig dewis ehangach o bodlediadau - sef ffordd o danysgrifio i raglenni arbennig ar y we.
Yn ychwanegol at bodlediadau Ar y Marc, O'r Bae, Uchafbwyntiau Wythnos C2 a Pigion Radio Cymru i Ddysgwyr, mae Beti a'i Phobol, Bwrw Golwg, Dewi Llwyd ar Fore Sul ac Uchafbwyntiau Rhaglen Nia Roberts nawr yn cael eu cynnig fel rhan o’r arlwy i’w lawrlwytho gan BBC Radio Cymru.
Gallwch eu lawr lwytho i'ch cyfrifiadur neu chwaraeydd MP3 am ddim o wefan podlediadau y BBC a siopau megis iTunes, a gwrando arnyn nhw bryd bynnag sy'n gyfleus.
Podlediad Beti a'i Phobol: Beti George sydd yn holi rhai o bobl fwyaf diddorol Cymru.
Bwrw Golwg: John Roberts sydd yn trin a thrafod materion crefyddol yr wythnos.
Uchafbwyntiau rhaglen Dewi Llwyd bob bore Sul, yn mynd drwy'r papurau, yn sgwrsio gyda'i westeion arbennig ac yn chwarae amrywiaeth o gerddoriaeth.
Uchafbwyntiau rhaglen Nia Roberts gyda straeon hwn a'r llall a rhoi'r byd yn ei le.
Ar y Marc sydd yn trin a thrafod y byd pêl-droed yn ffordd unigryw criw Ar y Marc.
Uchafbwyntiau Wythnos Criw C2 gyda chaneuon o sesiynau newydd, newyddion cerddorol, adolygiadau a mwy!
Podlediad Gwleidyddiaeth O'r Bae. Arweiniad hanfodol i'r wythnos wleidyddol sydd i ddod, gyda Vaughan Roderick.
Pigion: Highlights for Welsh Learners. Podlediad ar gyfer siaradwyr Cymraeg a dysgwyr uwch.
Ewch i wefan Podlediadau BBC Radio Cymru
Mae 