Helo bawb
Ma hi'n dri o'r gloch y pnawn, ac ma popeth yn eitha tawel yn y swyddfa, sy'n fy mhoeni braidd achos mae ganddom ni raglen anhygoel o gymleth heno!!! Mae hi'n noson Gwobrau RAP 2010 ar C2 rhwng 8pm ac 11pm, a da ni i gyd yn edrych ymlaen yn arw.
Mae na lot am fod yn digwydd rhwng rwan a hynny; am 4pm mi fydd y cyflwynwyr yn cyrraedd, ac mi fydda ni i gyd yn cael cyfarfod bach i fynd dros trefn y rhaglen. Ar ol hynny, mi fydda ni'n gadael Magi Dodd a Hefin Thomas, Lisa Gwilym, Huw Evans a Dyl Mei i baratoi, tra da ni'n troi at yr ochr dechnegol....
Pam fod heno am fod mor gymleth? Yn bennaf oherwydd ein bod yn darlledu dwy raglen wahanol o dair stiwdio. Rhwng 8pm ac 11pm ar FM (ac ar deledu digidol) mi fydd Magi a Hefin yn darlledu o'r brif stiwdio, ac yn datgelu pwy sydd wedi ennill be ym mhob categori. Ar yr un pryd, mi fydd Huw Evans a Dyl Mei yn darlledu rhaglen fideo arbennig ar y we yn rhoi sylwebaeth ar yr holl beth, ac yn bwydo i mewn i'r ddwy raglen, mi fydd Lisa Gwilym yn cyflwyno sesiynau acwstic byw o'r stiwdio sesiynau lawr grisiau.
Os aiff popeth yn iawn, fe gewch chi glywed yr holl beth ar FM, a gweld y sylwebaeth a'r sesiynau ar safle we C2. Croesi bysedd, welai chi am 8pm
Cofion
Gar
Nos Iau am 8yh ar C2 mi fyddwn ni'n gwobrwyo bandiau ac artistiaid gorau Cymru unwaith eto yng ngwobrau roc a phop Radio Cymru 2010. Rhaid dweud llongyfarchiadau mawr i Richard a Wyn Jones, y brodyr y tu nôl i ganeuon cofiadwy Ail Symudiad a sylfaenwyr label recordiau Fflach am ennill gwobr cyfraniad oes eleni. Ma' talent cyfansoddi Richard a Wyn yn adnabyddus i bawb trwy glasuron fel Whisgi a Soda (un o hoff ganeuon Gruff Rhys SFA yn ôl y sôn), Garej Paradwys a Gwena dy wen ond ma stiwdio a label Fflach hefyd di cynhyrchu llwyth o glasuron dros y blynyddoedd. Yn aml iawn, mae hyn di cynnwys artistiaid na fyddai labeli eraill wedi eu rhyddhau ar y pryd felly ma'r brodyr 'di bod yn gefnogwyr brwd o'r sin Gymraeg dros y 30 mlynedd diwethaf.
Dwi di treulio lot o amser i lawr yn stwidio Fflach dros y blynyddoedd tra'n recordio ac yn busnesan ar y bandiau eraill oedd yn y stiwdio. Yn fana 'nath Texas Radio Band, Mozz (aeth mlaen i ffurfio Poppies, Rogues a Racehorses), Yr Anhygoel (aeth mlaen i greu Frizbee), Swci Boscawen, Jess a DOM recordio gynta heb son am artistiaid eraill wnaeth recordio yno fel Clinigol, MC Mabon, NAR a PeswchMattoidzPeswch!
Ta beth, nath Lisa Gwilym gyflwyno y wobr yn arbennig iddynt yn eu gig yn y Morgan Lloyd, Caernarfon yn ddiweddar a gallwch chi glywed y sgwrs hynny a gweddill yr enillwyr nos Iau am 8yh ar C2.
Cofiwch wrando!
Hxxx
Helo Bawb!
Wedi tri mis o fod yn byw yn yr 'Afal Mawr' yma mae hi bellach yn saff i mi ddweud 'Dwi'n caru Efrog Newydd' (cymaint felly modi yn gweld yr angen i ailgreu y logo eiconig i'r Gymraeg!)
Fel y gwnes i addo, dwi wedi bod allan ogwmpas y ddinas yn ymchwilio ar ran C2 ac yn cadw cofnod o lle sy'n cwl a lle sy'n boeth! Os oes yna unrhyw un yn bwriadu ymweld â'r ddinas mae hi'n werth mynd i weld y 'seits' ond dwi hefyd yn argymell i chi fynd ar goll i gael dwad ar draws ambell i le gwerth-chweil ond llai adnabyddus sydd heb ei gwneud hi i mewn i'r llyfrau tywys...
Tai Bwyta:
'Efo'r holl dai bwyta anhygoel ogwmpas y lle does'na ddim syndod fod na ambell i Americanwr ar yr ochor plwmp! Dwi wrth fy modd hefo'r 'fast food' - y 'krispy kreme' donughts, 'Reeses Pieces' siocled peanut butter a'r mcdonalds supersize! Ond os yda chi isho rhywbath tipyn mwy hamddenol ewch i gael crab roll bendigedig yn SushiSamba (87th 7th Ave), i gael 'brunch' unrhyw adeg or dydd neu'r nos yn Bubby's Tribeca sydd ar agor 24awr (120 Hudson Street) neu i gael 'Buffet' cymaint ac y gelli di fwyta wrth edrych ar olygfa anhygoel yn y bwyty troelli TheView (1535 Broadway, Times Sq).
Clybia Nos:
Yn y 'ddinas sydd byth yn cysgu' mae'r clwbia nos ar agor tan oria man y bora. Y 'meatpacking district' ydi'r ardal ora os yda chi'n chwilio am lawr disco, mae'r clwbia mawr fel Pacha (618 W. 46th St,) a Pink (527 W. 27th St.) yn dennu DJ's enwog ac yn aml gwelir cerddorion clasurol a cherddorion jazz yn chware'n fyw ar draws y beat dawnsio i greu awyrgylch arbennig a hollol cwl!
Ar y cyfan mae ffasiwn y clwbia yma yn llawer mwy hamddenol nac adra. Er enghraifft mae'r bechgyn yn cael gwisgo trainers gwyn gan fod y 'gangsta look' yn ffasiwn mor gryf - rhywbath sydd wedi ei wahardd mewn sawl clwb Prydeinig a mae'r merched yma yn gwisgo yn eitha syml hefyd sydd yn siomedig gan mod i wedi gobeithio gweld ffasiwn arbrofol 'Carrie Bradshaw' o gwmpas! Steil yr 80au sy'n trendi - Sgerti 'body-con' tynn a crysa-t llac wedi tycio i fewn, tebyg iawn i steil y siop 'American Apparel'. Tydi'r merched ddim bob amser yn gwisgo sodlau uchel i fynd i clwbio chwaith - penderfyniad gwirion iawn yn fy marn i gan fod sodlau yn gwneud i dy goesau di edrych yn hirach ac gan fod y dynion ar y drws yn aml yn gadael i ferched ffasiynol i fewn am ddim!
Cofiwch hefyd bod modd cyfuno clwbio a twristiaeth drwy fynd i lefydd fel 230th (230th 5th Ave) i fwynhau yr olygfa o'r tô, peidiwch a phoeni am fod yn oer gan bod nhw yn paratoi blancedi ac yn cynnig seidr poaeth i'w yfed! Os ydachi'n mwynhau awyrgylch mwy hamddenol ewch draw i Bleeker St i un o'r sawl tafarn sy'n darparu cerddoriaeth fyw (byddwch yn ofalus mae yno ambell un yn ddrud iawn ac yn disgwyl i chi dalu am bob 'set') Bar 55 (55 Christopher St.) yn ardal Greenwich yw fy hoff glwb jazz i. Tydio ddim yn lle crand na soffisdigedig ond i lawr yn y 'basement' bach tywyll yma rhwng 1 a 4 y bora y clywch chi jazz anhygoel.
Dyna i gyd am y tro, gobeithio y bydd hwn o help i chi, blog arall ynglyn a tips a'r llefydd gora i fynd i ymlacio yn ystod y dydd ar ei ffordd. Fasa'n well i mi fynd i siopa mewn enw ymchwil felly yn basa!
Hwyl, Lowri xx
Y newyddion diweddaraf am gerddoriaeth, gigs, artistiaid a mwy gan griw C2. 