Brawd Bach Ifor!

Helo. Roedd Clwb Ifor Bach yng Nghaerdydd yn 25 mlwydd oed llynedd. Eleni, ar Chwefror 6ed mae'n cael brawd bach - Y Fuwch Goch, bar fydd yn agor dros y ffordd iddo ar Stryd Womanby. Cyffrous ynde? Tan yn ddiweddar enw'r lle oedd Kaz Bar. Cyn hynny roedd y lle o dan yr enw Horse and Groom. Ond nol yn y deunawfed ganrif, enw'r lle oedd y Fuwch Goch. Fi wrth fy modd yn gweld hen lunie du a gwyn o Gaerdydd, y trams a ceffyle ar y strydoedd, roedd camlas yn rhedeg trwy'r ddinas hefyd ar adeg. Ac roedd pawb yn gwisgo'n smart, gyda hetie mawr tal. Hyd yn oed y merched. Felly gobeithio fydd y Fuwch Goch yn dod a darn bach o'r hen Gaerdydd mewn i'r ganrif yma.

Newyddion cyffrous am albym newydd Super Furry Animals, edrych mlaen i glywed honne!

Es i i weld Threatmantics ar eu taith wthnos yma, reodden nhw'n dda iawn. Mae Little Bird eu sengl allan i'w lawrlwytho nawr. Roedd Swanton Bombs ar y daith yn dda iawn hefyd.

O, hefyd, chi di clywed seshwn Cofi Bach a Tew Shady eto? Naddo? Mae o

fan hyn i chi eu fwynhau.

Hwyl

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?