Diolch i Ray Gravell
Categorïau: Huw Stephens
|21:02, Dydd Gwener, 2 Tachwedd 2007
Fel mae Magi yn son isod, allai ddim ond ategu at yr hyn mae'n dweud am y newyddion trist am Ray Gravell. Roedd e'n arwr o ddyn ym mhob ystyr o'r gair.
Tro cynta I fi gwrdd â fe oedd ar raglen ar S4C roedd e'n cyflwyno o'r enw Tip Top (un o'i ddywediadau wrth gwrs). Ro'n i ar y rhaglen yn gneud tricie hud pan on i'n ryw bymtheg oed, a'r dyn hyfyrd o glen a cyfeillgar yma yn llawn egni a charedigrwydd.
Flynyddoedd wedyn yn swyddfa Radio Cymru, roedd e'n son gymaint roedd e'n hoff o Bandit, ac roedd hwnne yn gompliment enfawr i'r rhaglen. Naethon ni roi poster ohonno fe ar y set, a daeth e ar y rhaglen unwaith gyda fi a Huw Evans.
Roedd e'n ffan enfawr o Brigyn ac o Fflur Dafydd a llu o fandiau eraill. Nath e recordio brawddeg neu ddwy i fy rhaglen ar Radio Cymru hefyd, yn dweud 'Hip Hop - Tip Top'; perffaith i chware cyn trac rap gan y Tystion neu Pep le Pew ar y pryd!
Diolch am bopeth Ray.
Os dydych chi heb glywed sesiwn un o fandiau mwyaf doniol, lliwgar a diddorol Cymru, Eitha Tal Ffranco eto, mae'n werth gneud. Cliciwch fan hyn i glywed sesiwn C2.
Hwyl am y tro, h.
Y newyddion diweddaraf am gerddoriaeth, gigs, artistiaid a mwy gan griw C2. 