Cynhyrchu a gwerthuso: Video playlist

Adroddiad ar hanes darllediadau crefyddol yng Nghymru gan gynnwys cyfweliad gyda’r Prifardd Wil Ifan. Yn gynnar iawn yn hanes darlledu, fe roddwyd lle blaenllaw i ddarlledu crefyddol. Fe ddaeth y darllediad cyntaf o’r Tabernacl yng Nghaerdydd.

Gofynnwch i’r disgyblion feddwl yn ddwys am rôl rhaglenni crefyddol heddiw. Holwch beth ydy dyfodol y rhaglenni hyn. Gofynnwch am farn y disgyblion am y math o gynnwys ddylai fod mewn rhaglenni crefyddol. Gellir gwneud gwaith maes ac ymweld â llyfrgell archif i gasglu gwybodaeth ar hanes darlledu cynnar yng Nghymru. Trafodwch bwysigrwydd ffeithiau hanesyddol yn eu casgliadau archif a rhannwch y disgyblion i grwpiau a’u hannog i ddewis lluniau ac areithiau, a hefyd dewis cerddoriaeth addas.