An loidhne as freagarraiche
'S e an 'loidhne as freagarraiche' loidhne a tha a' dol an ìre mhath tro mheadhan nam puingean sgapte air graf.
Mar as fhaisge a tha na puingean air an loidhne as freagarraiche, 's ann as làidire a tha an ceangal.
Tha an loidhne as freagarraiche air a tarraing airson gum bi na puingean sgapte gu cothromach air gach taobh dhen loidhne. Tha iomadh dòigh ann air seo a tharraing 'gu mionaideach', ach cha bhi agadsa ach an loidhne a tharraing 'leis an t-sùil'.
'S dòcha gum bi agad ri beachd a thoirt air nàdar na co-dhàimh, a' ciallachadh a bheil e dearbhte, àicheil, no a bheil e idir ann.
Tha e iomchaidh 'co-dhàimh làidir' a chleachdadh ma tha na puingean gu lèir faisg air an loidhne as freagarraiche.
Nuair a bhios tu a' tarraing na loidhne as freagarraiche, cleachd rùilear trìd-shoilleir airson gum faic thu mar a tha an loidhne a' fiotadh eadar gach puing mus tarraing thu i.
Eisimpleir
Chaidh àirde agus cuideam fichead sgoilear ann an clas a chlàradh. Tha na toraidhean air a' ghraf-sgapte gu h-ìosal.
Question
Tha Katie \(148\, cm\) a dh'àirde. Tarraing an loidhne as freagarraiche agus cleachd i airson tuairmse a thoirt air a cuideam.
Tha Katie \(148\, cm\) a dh'àirde. Tarraing loidhne suas bho \(148\, cm\) air an axis chòmhnard gus an coinnich i an loidhne as freagarraiche agus an uair sin a-null gus an coinnich i an axis bheartagail.
Tha mu \(52\, cg\) ann an Katie.
Bhon a tha an loidhne as freagarraiche air a tarraing 'leis an t-sùil', 's iongantach gum bi do fhreagairt an aon rud ri freagairt duine eile.
Uaireannan gheibh thu co-aontar na loidhne as freagarraiche. Faodaidh tu sin a chleachdadh san tuairmse.
Eisimpleir
'S e \(c = 1.5\,\text{à} - 170\) an co-aontar aig an loidhne as freagarraiche aig seata dàta.
Question
Cleachd an co-aontar seo airson tuairmse a dhèanamh air cuideam Louise, a tha \(156\,cm\) a dh'àirde.
Ionadaich \(\text{à} = 156\) dhan cho-aontar.
\(c = 1.5 \times 156 - 170\)
\(c = 234 - 170\)
\(c = 64\)
Mar sin tha mu \(64\,cg\) ann an Louise.
