Tarddiad drygioni
Ewyllys rydd
Mae Cristnogion yn credu bod Duw wedi rhoi ewyllys rydd i fodau dynol. Hwn yw gallu bodau dynol i wneud eu penderfyniadau eu hunain. Mae'n golygu, er bod Duw wedi gwneud byd a'i fod yn dda
, mai bodau dynol sy'n penderfynu gwneud pethau da neu ddrwg.
Beth mae Cristnogaeth yn ei ddweud am darddiad drygioni?
Mae llawer o Gristnogion yn credu bod drygioni'n digwydd oherwydd bod Adda ac EfaY bodau dynol cyntaf yn ôl y traddodiadau Iddewig-Gristnogol ac Islamaidd. wedi anufuddhau i Dduw. Yng Gardd EdenYn ôl y Beibl, y lle perffaith a greodd Duw i ddyn a gwraig ar ddechrau'r creu., bwytodd Adda ac Efa y ffrwyth gwaharddedig. Cosbodd Duw Adda ac Efa am hyn, a'r gosb oedd profi dioddefaint yn eu bywydau. 'Y cwymp' yw'r enw ar hyn.
Mae rhai Cristnogion yn credu bod pawb wedi etifeddu'r duedd i bechu gan Adda ac Efa. pechod gwreiddiolTrosglwyddo'r torri a fu ar ymddiriedaeth Duw gan Adda ac Efa i'r ddynoliaeth gyfan. yw'r enw ar y gred hon. Yn ôl y gred hon, mae pob bod dynol yn cael ei eni â thuedd tuag at ddrygioni a'r gallu i achosi dioddefaint.
Yn GenesisLlyfr cyntaf yr Hen Destament (y Beibl Hebraeg) sy'n disgrifio tarddiad dynoliaeth a pherthynas pobl â Duw. mae'n dweud:
...dyn, er bod gogwydd ei feddwl yn ddrwg o'i ieuenctid.
Mae'r rhan fwyaf o Gristnogion hefyd yn credu, yn ogystal â phŵer dros ddaioni (Duw), bod pŵer dros ddrygioni hefyd. Mae Cristnogion yn cyfeirio at y pŵer dros ddrygioni fel SatanEnw ar y diafol. neu'r Diafol. Y gred draddodiadol yw mai archangelAngel o radd uwch. oedd Satan a gafodd ei daflu allan o'r Nefoedd am fod yn anufudd i Dduw.
Question
Disgrifia'r credoau Cristnogol am bechod gwreiddiol.
Mae'r term pechod gwreiddiol yn cyfeirio at y gred fod pechod wedi dod i'r byd pan fwytodd y bodau dynol cyntaf, Adda ac Efa, y ffrwyth gwaharddedig yng Ngardd Eden. Ar ôl i Dduw ddarganfod bod y ffrwyth wedi cael ei fwyta, dywedodd wrth Adda ac Efa y bydden nhw nawr yn dioddef o ganlyniad i'r pechod hwn. Mae rhai Cristnogion nawr yn credu bod bodau dynol i gyd yn cael eu geni â'r pechod gwreiddiol hwn.
