A' fuasgladh cheistean le Teoraidh Phythagoras
Question
Tha càball ceangailte ri post, 30 meatair os cionn na talmhainn.
Tha ceann eile a' chàbaill 14 meatairean bho bhonn a' phuist.
A rèir nan riaghailtean, feumaidh nas lugha na 35 meatairean a bhith sa chàball.
A bheil an càball a rèir nan riaghailtean?
Thoir adhbhar airson do fhreagairt.
\({x^2} = {30^2} + {14^2}\)
\({x^2} = 900 + 196\)
\({x^2} = 1096\)
\(x = \sqrt {1096}\)
\(x = 33.1 \,(gu\,1\,id.)\)
Tha. Tha e a rèir nan riaghailtean oir tha 33.1 m nas lugha na 35 m.
A' cleachdadh Pythagoras le co-chomharran
Faodaidh sinn Pythagoras a chleachdadh cuideachd gus an t-astar eadar dà phuing obrachadh a-mach.
Question
Ma tha na co-chomharran (3, 4) aig A agus na co-chomharran (10, 12) aig B, obraich a-mach faid AB. Thoir do fhreagairt gu aon ionad deicheach.
Cuir na co-chomharran air graf.
Ceangail A ri B gus an loidhne AB a shealltainn agus an uair sin cruthaich triantan ceart-cheàrnach.
\({a^2} = {b^2} + {c^2}\)
\({a^2} = {8^2} + {7^2}\)
\({a^2} = 64 + 49\)
\({a^2} = 113\)
\(a = \sqrt {113}\)
\(a = 10.6 \,(gu\,1\,id.)\)
'S e faid AB 10.6 aonadan.
