Eisimpleirean triantanachd
Nuair a bhios tu a' freagairt ceist triantanachd:
- ainmich taobhan an triantain
- smaoinich dè an co-mheas a chleachdas tu (SMH CDH TMD)
- ionadaich am fiosrachadh ceart a-steach dhan cho-mheas
- ath-rèitich agus obraich a-mach '\(x\)'
- fuasgail a' cleachdadh àireamhair agus bi cinnteach gu bheil an t-àireamhair air a sheatadh gu 'degrees'.
Eisimpleir
Lorg \(y\).
Thoir do fhreagairt ceart gu aon ionad deicheach.
Freagairt
Tha fios againn air a' hypotenuse agus tha sinn a' feuchainn ri luach \(y\), an taobh dlùth, obrachadh a-mach.
Chì sinn bho SMH CDH TMD gum feum sinn an co-mheas cosine a chleachdadh
\(\cos (x^\circ ) = \frac{{\text{dlùth}}}{{\text{hypotenuse}}}\)
Agus tha seo againn \(\cos (42^\circ ) = \frac{y}{{12}}\)
Ath-rèitich le 'atharraich taobh, atharraich obrachadh'. Feumaidh sinn an '12' a ghluasad chun an taoibh eile dhen t-samhla 'co-ionann ri' gus am bi 'y' againn leis fhèin. Tha an '12' a' roinn air an taobh dheas, agus mar sin, nuair a ghluaiseas e chun an taoibh chlì, bidh e a' dol an aghaidh sin. Bidh e ag iomadachadh.
\(12 \times \cos (42^\circ ) = y\)
\(y = 8.917...\)
\(y = 8.9\,cm\,(gu\,1\,id.)\)
Cuimhnich gun seall thu d' obrachadh air fad, gu h-àraidh nuair a chleachdas tu àireamhair.
Question
Lorg y.
Thoir do fhreagairt ceart gu trì ionadan deicheach.
Tha fios againn air an taobh dhlùth agus tha sinn a' feuchainn ris an taobh mu choinneamh obrachadh a-mach.
\(\tan(x^\circ ) = \frac{{\text{mu choinneamh}}}{{\text{dlùth}}}\)
Ag ionadachadh nan luachan \(\tan (64^\circ ) = \frac{y}{{7.5}}\)
\(7.5 \times \tan (64^\circ ) = y\)
\(y = 15.37727...\)
\(y = 15.377\,cm(gu\,3\,id.)\)
