Craobh-dhiagraman coltachd
Nuair a thachras barrachd air aon rud, 's urrainn dhuinn craobh-dhiagram a chleachdadh airson gach buil a tha comasach obrachadh a-mach.
Tha a' chraobh-dhiagram seo a' sealltainn gach buil a tha comasach, agus na coltachdan aca, airson bonn a shadail agus airson cunntair a thaghadh à baga sa bheil 3 cunntairean dearg agus 2 chunntair ghorm.
Tha na builean sgrìobhte aig ceann gach gèig, agus tha na coltachdan sgrìobhte air gach gèig.
'S e na ceithir builean a tha comasach airson nan tachartasan seo:
- ceann agus dearg
- ceann agus gorm
- earball agus dearg
- earball agus gorm
Airson coltachd gach tachartais obrachadh a-mach, iomadaich na coltachdan air na geugan iomchaidh.
- \(C(CD) = 0.5 x 0.6 = 0.3\)
- \(C(CG) = 0.5 x 0.4 = 0.2\)
- \(C(ED) = 0.5 x 0.6 = 0.3\)
- \(C(EG) = 0.5 x 0.4 = 0.2\)
