Tha sùil ga toirt air a' cheangal eadar coltachd shìmplidh agus dùil-triceid tro choimeasgadh de staitistearachd gus rannsachadh a dhèanamh air riosg agus a' bhuaidh aige air ar beatha.
'S dòcha nach bi faclan mar 'cinnteach', 'coltach' agus mar sin air adhart, a' ciallachadh an aon rud dhan h-uile duine.
Feumaidh sinn a bhith nas mionaidiche mu dheidhinn dè cho coltach 's a tha e gun tachair rudeigin (buil).
Faodaidh luach sam bith eadar 0 (do-dhèante) agus 1 (cinnteach) a bhith aig coltachd buil. Faodar a sgrìobhadh mar bhloigh, mar dheichead no mar cheudad.
Thèid againn air luach obrachadh a-mach dhan choltachd leis an fhoirmle:
\(\text{Coltachd buil} = \frac{{\text{an àireamh dhòighean air am faodadh a' bhuil tachairt}}}{{\text{àireamh iomlan nam builean comasach}}}\)
Nuair a shadas tu dìsinn, tha sia builean comasach ann: 1, 2, 3, 4, 5 no 6.
Tha trì dòighean ann air àireamh chòrr fhaighinn (1, 3 no 5).
Mar sin tha a' choltachd gum faigh thu àireamh chòrr = an àireamh dhòighean air àireamh chòrr fhaighinn \(\div\) àireamh iomlan nam builean comasach.
\(= \frac{3}{6} = \frac{1}{2}\) no \(0.5\), no \(50\%\).
